பிஎப் முழு பணத்தையும் எடுத்து வீடு வாங்க வருகிறது புது திட்டம்

பிஎப் பணத்தை முழுவதுமாக எடுத்து வீடு வாங்குவதற்கு புதிய திட்டம் விரைவில் அமல் படுத்தப்பட இருக்கிறது. இதற் கான பரிந்துரையை பிஎப் நிறுவனம் தொழிலாளர் அமைச்ச கத்துக்கு அனுப்பியுள்ளது.பிஎப் சந்தாதாரர்கள் தங்களது வருங்கால வைப்பு நிதியை (பிஎப்) அட மானமாக வைத்து வீடு வாங்கிக் கொள்ளும் திட்டம் செயல்படுத்த ஏற்கனவே உத்தேசிக்கப்பட்டி ருந்தது.

கடந்த 2015இல் இதுகுறித்து பிஎப் அறங்காவலர் கூட்டத்தில் முன்வரைவு வைக்கப்பட்டது. வீட்டுக்கான முன்பணம் மற்றும் தவணை தொகையை இதில் செலுத்திக் கொள்ளலாம். வீட்டு வசதி மற்றும் ஊரக வறுமை ஒழிப்பு அமைச்சக திட்ட பலன் களையும் இத்திட்டத்தில் விரிவு படுத்த பரிந்துரை செய்திருந்தது.

இதுதவிர பிஎப் சந்தாதாரர்கள்  குறைந்த விலையில் வீடு வாங் கிக் கொள்ளும் திட்ட சாத்தியக் கூறுகைளை மத்திய அரசு ஆராய்ந்து வருகிறது.

இந்நிலையில், பிஎப் பணத் தில் வீடு வாங்குவதற்கான திட்டத்தை தொழிலாளர் வருங் கால வைப்பு நிதி நிறுவனம் மத்திய அரசுக்கு பரிந்துரை செய் துள்ளது. குழு வீடு திட்டத்துக்கான புதிய விதியை சேர்க்க இந்த பரிந்துரை செய்யப்பட்டுள்ளது. அதாவது, பிஎப் சந்தாதாரர்கள் 10 அல்லது அதற்கு மேல் சேர்ந்து ஒரு கூட்டுறவு சங்கத்தை ஏற் படுத்தி குழுவாக விண்ணப்பித்து இடம் தேர்வு செய்து வாங்கி வீடு கட்டிக் கொள்ளலாம். வீடாக தேர்வு செய்தும் வாங்கிக் கொள் ளலாம் என தெரிவித்துள்ளது.

இந்த திட்டத்தில் சிறப்பு அம்சமாக பிஎப் பணத்தை வீடு கட்ட முழுவதுமாக எடுத்துக் கொள்ள முடியும். அதோடு, அதற் கான தவணையை கூட மாதாந்திர பிஎப் பிடித்தம் செய்யப்படும் தொகையில் இருந்து செலுத்தி விடலாம் என்பது குறிப்பிடத் தக்கது.
-விடுதலை,28.1.17

பி.எஃப். திட்டத்தில் சேராத நிறுவனங்களுக்கு மூன்று மாதம் அவகாசம்: ஆணையர் தகவல்

சென்னை, ஜன. 28- தொழிலாளர் வருங்கால வைப்புநிதி (பி.எஃப்.) திட்டத்தில் இதுவரை சேராத நிறுவனங்கள், இத்திட் டத்தில் தங்களை இணைத்துக் கொள்ள 3 மாதம் கால அவ காசம் அளிக்கப்பட்டுள்ளது என்று பி.எஃப். சென்னை மண்டல ஆணையர் சலீல் சங்கர் தெரிவித்தார்.

இதுதொடர்பாக அவர் சென் னையில் நேற்று (27.1.2017) செய்தியாளர்களிடம் வெள்ளிக் கிழமை கூறியதாவது:

பி.எஃப். திட்டத்தில் இது வரை சேராத நிறுவனங்களைச் சேர்க்க “தொழிலாளர் சேர்க்கை முகாம் 2017’ என்ற மூன்று மாத சிறப்பு முகாம் நடை பெற்று வருகிறது.

அதாவது கடந்த ஜனவரி ஒன்றாம் தேதி தொடங்கிய இந்த சிறப்பு முகாம் வரும் மார்ச் 31 -ஆம் தேதி வரை நடைபெறும். 20 தொழிலாளர் களுக்கு மேல் உள்ள தொழில் நிறுவனங்கள், தொழிலாளர் வருங்கால வைப்புநிதித் திட் டத்தில் சேராத நிலையில், இந்தத் திட்டத்தில் சேர இந்தக் கால அவகாசம் வழங்கப்பட் டுள்ளது. சென்னையில் உள்ள 3 மண்டல அலுவலகங்களில் மொத்தம் 22,000 நிறுவனங்கள், தொழிலாளர் வருங்கால வைப்பு நிதி திட்டத்தில் இணைந்து உள்ளன. ஒப்பந்த அடிப்படை யில் வேலை செய்து வரும் தொழிலாளர்கள் இத்திட்டத் தில் சேர்ந்து தொழிலாளர் வைப்புநிதி மற்றும் ஓய்வூதிய பயன்களைப் பெறுவதற்காகவே தொழில் நிறுவனங்களுக்கும், தொழிலாளர்களுக்கும் இந்த சிறப்பு முகாம் நடத்தப்படுகி றது.

பல்வேறு அரசு மற்றும் அரசு சார்ந்த மருத்துவமனை களில் பணிபுரியும் ஒப்பந்த தொழிலாளர்களில் பெரும்பா லானோர் வருங்கால வைப்பு நிதி திட்டத்தில் சேராத நிலை உள்ளது.

இதனைக் கருத்தில் கொண்டு, தொழிலாளர்களை ஒப்பந்தப் பணியில் அமர்த்தி யுள்ள நிறுவனங்கள், தங்களது ஊழியர்களை இந்தத் திட்டத் தில் சேர்க்க வலியுறுத்தப்பட் டுள்ளது என்று சலீல் சங்கர் தெரிவித்தார்.

இந்தச் சந்திப்பின் போது பி.எஃப். சென்னை மண்டல துணை ஆணையர் எஸ்.ஜனார்த்த னன், சென்னை பத்திரிகை தக வல் அலுவலகத்தின் கூடு தல் தலைமை இயக்குநர் முத்துக் குமார் ஆகியோர் உடனிருந்தனர்.
-விடுதலை.28.1.17

ஓய்வு பெற்ற வங்கி பணியாளர்கள் சங்கம் (AFCOM) தீர்மானம்

மூத்த குடிமக்களுக்கு வங்கிகள் வழங்கும் 
வட்டி விகிதத்தை மத்திய அரசு உயர்த்த வேண்டும்

தஞ்சாவூர், ஜன. 28- மூத்த குடி மக்களுக்கு வங்கிகள் வழங்கும் வட்டி விகிதத்தை மத்திய அரசு உயர்த்த வேண்டும் என ஓய்வு பெற்ற வங்கி பணியாளர்கள் சங்கம் (AFCOM) தீர்மானம் நிறைவேற்றியுள்ளது.
தீர்மானங்கள் வருமாறு:

1. பல்லாண்டுக் காலம் வங்கிப் பணியிலும், அரசுப்பணி யிலும் பலரும் பாராட்டும் வகையில் பணியாற்றி விட்டு ஓய்வு பெற்ற பின்னர் சொற்ப ஓய்வூதியத்தில் தாங்க முடியாத மருத்துவ செலவுகளை எதிர் கொள்ள வேண்டிய நிலையில் இருக்கும் 60 வயதுக்கு மேற்பட்ட ஓய்வூதியர்களுக்கு மற்றவர் களைக் காட்டிலும் ஒரு சதவிகித மும், 80 வயதுக்கு மேற்பட்ட ஓய்வூதியர்களுக்கு இரண்டு சதவிகிதமும், கூடுதலாக வட்டி விகிதத்தை உயர்த்த மத்திய அரசு தாமதமின்றி முன்வரவேண்டும்.

2. மூத்த குடிமக்களுக்கான வருமான வரி உச்சவரம்பை உயர்த்த வேண்டும். ஓய்வூதிய மாகப் பெறும் தொகையில் பெரும்பகுதியை வருமான வரியாகச் செலுத்தும் இக்கட்டான சூழலைத் தவிர்க்க ஓய்வூதியர் களுக்கான வருமான வரி உச்ச வரம்பை ரூ. 5 லட்சமாக உயர்த்தி வர இருக்கும் நிதிநிலை அறிக் கையில் அறிவிக்க மத்திய அரசு முன்வர வேண்டும்.

3. ஓய்வூதியம் பெறுவோர், ஓய்வுக்காலப் பயன்களாகப் பெற்ற பிராவிடண்ட் பண்ட், கிராசுவிட்டி ஆகியவற்றை வைப்புத் தொகையாக வங்கி களில் வைக்கும் போது கிடைக்கும் வட்டிக்கு வருமான வரி பிடித்தம் செய்வதைத் தவிர்த்து வருமான வரி விலக்கு அளிக்க வேண்டும்.

4. விலைவாசி உயர்வை ஈடுகட்ட வழங்கப்படும் அக விலைப்படியை  (Dearness Allowence) ஆறுமாதங்களுக்கு ஒருமுறை வழங்கும் முறையைத் தவிர்த்து மூன்று மாதங்களுக்கு ஒரு முறை வழங்க அரசு முன்வர வேண்டும்.

5. கடந்த 2015 ஆம் ஆண்டு சென்னையில் நடந்த (AFCOM)    அமைப்பின் முதல் பொதுக்குழு வில் நிறைவேற்றப்பட்ட தீர்மா னத்தை ஏற்று மறைந்த  முதல்வர் ஜெயலலிதா, தன் பிறந்த நாளான பிப்ரவரி 24 ஆம் நாள் 2016 முதல் சென்னையிலுள்ள ஓய்வூதியர் களுக்கு இலவசப் பேருந்து கட்டணச் சலுகை வழங்கியதற்கு தமிழக அரசை கிதிசிளிவி பாராட்டு கிறது. சட்டத்தின் முன் அனை வரும் சமம் என்ற அடிப்படைத் தத்துவத்தை ஏற்று தமிழ்நாடு முழுமையும் உள்ள அறுபது வயதைக் கடந்த மூத்த குடிமக்கள் அனைவருக்கும் இலவச பேருந்துப் பயணச் சலுகையை எவ்விதக்கட்டுப்பாடுமின்றி வழங்க தமிழக அரசு தாமதமின்றி முன்வரவேண்டும்
தொழில் வரியை 
ரத்து செய்க

6. இந்தியாவிலுள்ள 29 மாநிலங்களில் தமிழ்நாடு உள் ளிட 15 மாநிலங்களில் மட்டும் தான் தொழில்வரி வசூலிக்கப் 
படுகிறது. சிறப்புப் படிப்பும், சிறப்புப் பயிற்சியும் பெற்ற மருத்துவர்கள், கட்டடக் கலை நிபுணர்கள், வழக்கறிஞர்கள், தணிக்கையாளர்கள் ஆகியோர் “PROFESSIONAL” என்று அழைக் கப்படுகின்றனர். இந்தக் கருத் துக்கு மாறாகத் துப்புரவுப் பணி யாளர்கள், எழுத்தர்கள், காசாளர் கள், வங்கி அதிகாரிகள் ஆகி யோரிடம் தொழில் வரிபிடித்தம் செய்வது தவிர்க்கப்பட வேண் டும். ஆங்கிலேயர் காலத்தில் அறிமுகப்படுத்தப்பட்ட செல் லரித்த நடைமுறையை தமிழக அரசு தாமதமின்றி கைவிட்டு தொழில்வரியை முழுமையாக ரத்து செய்ய வேண்டும்.

7. தமிழகத்திலுள்ள 32 மாவட்டத் தலை நகரங்களிலும் இந்தியன் ஸ்டேட் வங்கியின் சார்பில் வங்கி ஊழியர்களின் நலம் காக்க ‘BANK DISPENSARY”  அமைப்பதோடு, தேவையான மருந்துகளை தங்கு தடை யின்றி வழங்கவும், அங்கீகரிக்கப்பட்ட மருத்துவ ஆய்வுகளைச் செய்து கொள்வதற்கான வசதிகளை ஏற் படுத்தவும் காலதாமதமின்றி முன்வர வேண்டும் என்பன போன்ற தீர்மானங்கள் நிறை வேற்றப்பட்டன.

ஆதார் எண்ணை இணைக்க கால அவகாசம் நீட்டிப்பு

ஆதார் எண்ணை இணைக்க 
பி.எஃப். ஓய்வூதியதாரர்கள்
பிப். 28 வரை கால அவகாசம் நீட்டிப்பு 

 

சென்னை, ஜன.24 பி.எஃப். ஓய்வூதியதாரர்கள் தங்களது ஆதார் எண்ணை இணைத்து வாழ்வுச் சான்றிதழ் பெறுவ தற்கான காலக்கெடுவை பிப்ரவரி 28-ஆம் தேதி வரை மத்திய அரசு நீட்டித்துள்ளது.

எனவே பிப்ரவரி மாதம் வரை ஓய்வூதியம் பெறுவதில் எந்தப் பிரச்னையும் இருக்காது என்றும் அதற்குள் ஆதார் எண்ணை ஓய்வூதியதாரர்கள் இணைத்து வாழ்வுச் சான்றி தழைப் பெற்றுக் கொள்வது அவசியம் என்றும் மத்திய அரசு அறிவுறுத்தியுள்ளது.

வருங்கால வைப்பு நிதி (பி.எஃப்.) ஓய்வூதியதாரர்கள் தங்களது ஆதார் எண்ணை வருங்கால வைப்பு நிதி அலுவ லகத்தில் இணைத்து வாழ்வுச் சான்றிதழ் பெறுவது கட்டாய மாகும். ஆதார் சட்டம் 2016-இன் கீழ் பிரிவு 7-இன்படி, இதற் கான அறிவிப்பை மத்திய அரசு ஏற்கெனவே வெளியிட்டுள்ளது.

இபிஎஸ் 1995-இன் கீழ் மானியங்களைப் பெறுவதற்கும் வருங்கால வைப்பு நிதி அலுவலகத்தில் தங்களது ஆதார் எண்ணை கட்டாயம் பதிவு செய்து கொள்ள வேண்டும்.

முகப்பேரில் வசதி: சென்னை முகப்பேரில் உள்ள பி.எஃப். மண்டல அலுவலகத்தில் ஓய்வூதியதாரர்கள் தங்களது ஆதார் எண்ணை இணைத்துக் கொள்ளும் வசதி செய்யப்பட்டுள்ளது. மேலும் விவரங்களுக்கு 044- 26350080, 26350110, 26350120 ஆகிய தொலைபேசி எண்களில் தொடர்பு கொள்ளலாம் என்று பி.எஃப். மண்டல ஆணையர் 
வி.எஸ்.எஸ்.கேசவராவ் தெரிவித்துள்ளார்.
-விடுதலை,24.1.17

இந்தியாவில் பெண்கள் வேலை செய்ய ஏற்ற மாநிலங்கள்

இந்தியாவில் பெண்கள் வேலை செய்ய ஏற்ற
மாநிலங்கள் பட்டியல் வெளியீடு

புதுடில்லி செப்.22 அமெரிக்காவின் சர்வதேச ஆய்வு நிறுவனம் ஒன்றும் நாதன் அசோசியேட்ஸ் நிறுவனமும் இணைந்து இந்தியாவில் பெண்கள் வேலை செய்வதற்கு ஏற்ற மாநிலம் எது? என ஆய்வொன்றை நடத்தி முடிவுகளை வெளியிட்டுள்ளனர்.

அவர்கள் வெளியிட்டுள்ள முடிவுகளின்படி பெண்கள் வேலை செய்வதற்கு ஏற்ற மாநிலங்களில் சிக்கிம் மாநிலம் முதலிடத்தைப் பிடித்துள்ளது.

பட்டியலில் 2-ஆவது இடத்தை தெலுங்கானா மாநிலமும், 3-ஆவது இடத்தை புதுச்சேரி மாநிலமும் பிடித்துள்ளன. தமிழ்நாடு 9-ஆவது இடத்தையும், தலைநகர் டில்லி கடைசி இடத்தையும் பிடித்துள்ளது. பெண்கள் வேலை செய்வதற்கு நேரக்கட்டுப்பாடு இல்லாமை மற்றும் பெண்களுக்கு எதிரான குற்றங்கள் குறைவு போன்ற காரணங்களால் சிக்கிம் மாநிலம் இந்தப் பட்டியலில் முதலிடம் பிடித்துள்ளது.

-விடுதலை,22.9.16

விவசாயிகளின் நலனுக்கு ஒடிசாவில் புதிய சட்டம்

புவனேசுவரம், ஜூன் 19 ஒடிஸாவில் குத்தகை விவசாயிகளின் நலன் காக்க வரும் அக்டோபர் மாதம் புதிய சட்டம் கொண்டு வரப்படும் என்று மாநில வருவாய்த் துறை விஜயசிறீ ராவுத்ராய் தெரிவித்தார்.

இதுதொடர்பான குத்தகை விவசாயிகள் மசோதா ஒடிசா சட்டப் பேரவை மழைக்காலக் கூட்டத் தொடரில் தாக்கல் செய்யப்படும் என்று அவர் புவனேசுவரத்தில் செய்தியாளர்களிடம் சனிக்கிழமை கூறினார். அவர் மேலும் கூறியதாவது:

இந்தச் சட்டத்துக்குப் பெயர் வைப்பது மற்றும் சரத்துகள் தொடர்பாக மக்களிடம் கருத்து கேட்கப்படுகிறது. இதுவரை 20 மாவட்டங்களில் இருந்து கருத்துகள் பெறப்பட்டுள்ளன. வரும் ஆகஸ்ட் மாதத்துக்குள் நிலமற்ற சுமார் ஒரு லட்சம் ஏழைக் குடும்பங்களுக்கு நிலம் அளிக்க அரசு திட்டமிட்டுள்ளது. இது வரை இத்திட்டத்தின் கீழ் 52 ஆயிரம் குடும்பங்கள் பலன் பெற்றுள்ளன என்று ராவுத்ராய் குறிப்பிட்டார்.

-விடுதலை, 19.6.16

தொழிலாளர்கள் சம்பளம்: வங்கிகள் கணக்கில் வரவு

மதுரை, டிச.13 தொழிலாளர்களுக்கான சம்பளத்தை தொழிற்சாலை நிர்வாகங்கள் வங்கி கணக்குகளில் வரவு வைக்க வேண்டும். மதுரை தொழிலக பாதுகாப்பு மற்றும் சுகாதார இணை இயக்குனர் ராஜமுத்து கூறியதாவது:

சம்பள பட்டுவாடாச் சட்டம் 1936 பிரிவு (6)ன் கீழ், தொழிற்சாலைகளில் பணிபுரியும் தொழிலாளர்களுக்கான சம்பளத்தை வங்கி கணக்கில் வரவு வைக்க வேண்டும். மதுரை, ராமநாதபுரம், சிவகங்கை மாவட்ட தொழிற்சாலை நிர்வாகங்கள் இதுவரை வங்கி கணக்குகளை துவக்காத நிரந்தர, தற்காலிக மற்றும் ஒப்பந்த தொழிலாளர்களுக்கு வங்கியுடன் இணைந்து கணக்குகள் தொடங்க வேண்டும். சம்பளத்தை காசோலை அல்லது இ.சி.எஸ்.,(எலக்ட்ரானிக் கிளியரன்ஸ் சர்வீஸ்) மூலம் வங்கிகள் கணக்கில் வரவு வைக்க நடவடிக்கை எடுக்க வேண்டும். ரொக்கமற்ற பரிவர்த்தனையில் இணைய வேண்டும், என்றார்.

-விடுதலை,13.12.16

4 இடங்களில் நூறு படுக்கை வசதி கொண்ட இஎஸ்அய் மருத்துவமனைகள்

4 இடங்களில் நூறு படுக்கை வசதி கொண்ட இஎஸ்அய் மருத்துவமனைகள்
மத்திய அமைச்சர் தகவல்

சென்னை, ஜன.12 தமிழகத்தில் 4 இடங்களில் 100 படுக்கை வசதி களைக் கொண்ட இஎஸ்அய்சி (தொழிலாளர் மாநில ஆயுள் காப்பீட்டுக்கழகம்) மருத்துவ மனைகள் கட்டப்படும் என மத்திய தொழிலாளர் நலத் துறை அமைச்சர் பண்டாரு தத்தாத்ரேயா கூறினார்.

சென்னையில் புதன்கிழமை செய்தியாளர்களிடம்  அவர் கூறியதாவது:

தமிழகத்தில் திருப்பூர், கன் னியாகுமரி, சிறீபெரும்புதூர், தூத்துக்குடி ஆகிய நான்கு இடங்களில் ரூ.380 கோடி செலவில் நூறு படுக்கை வசதி களைக் கொண்ட இஎஸ்அய்சி மருத்துவமனைகள் கட்டப்பட உள்ளன. இதற்கான நிலத்தை மாநில அரசு ஏற்கெனவே ஒதுக்கிவிட்டது. எனவே, அடுத்த இரண்டு ஆண்டுகளில் இந்த மருத்துவமனைகள் செயல்பாட்டுக்கு வந்துவிடும்.

அதுபோல் திண்டுக்கல், ராணிப்பேட்டை, தாம்பரம், கோவில்பட்டி, ஆம்பூர், ராஜ பாளையம், விருதுநகர் ஆகிய ஏழு ஊர்களில் 30 படுக்கை வசதிகள் கொண்ட மருத்துவ மனைகள் கட்டப்பட உள்ளன. மேலும் 400 இஎஸ்அய் சிகிச்சை மய்யங்கள், 6 படுக்கை வசதி கள் கொண்ட மருத்துவமனை களாக தரம் உயர்த்தப்பட உள் ளன. இதற்காக ரூ.4 கோடி நிதி ஒதுக்கப்பட்டுள்ளது. அது மட்டுமின்றி இஎஸ்அய்சி-யின் கீழ் பணிபுரியும் தொழிலா ளர்களின் எண்ணிக்கையை ஒரு கோடியாக உயர்த்த மத்திய அரசு இலக்கு நிர்ணயித்துள்ளது.

தொழிலாளர்களை இஎஸ் அய்சி திட்டத்தின்கீழ் சேர்க்க வருகிற மார்ச் 31 -ஆம் தேதி வரை தொழில் நிறுவனங் களுக்கு கால அவகாசம் அளிக் கப்பட்டுள்ளது. தென்னிந் தியாவைப் பொறுத்தவரை 1,400 நிறுவனங்களைச் சேர்ந்த 1.9 லட்சம் பேர் இஎஸ்அய்சி-யில் இதுவரை பதிவு செய்திருக்கின்றனர் என்பது குறிப்பிடத்தக்கது.

குறைந்தபட்ச ஊதியம் 
ரூ.300 கட்டாயம்

தேசிய குறைந்தபட்ச ஊதிய சட்டத்தின்படி, தொழி லாளர்களுக்கான ஒரு நாள் ஊதியம் ரூ.300 என்பதை, இனி கட்டாயப்படுத்த மத்திய அரசு திட்டமிட்டு வருகிறது. இந்தத் திட்டம் நடைமுறைக்கு வரும் பட்சத்தில், திறனில்லா சாதா ரண தொழிலாளர்களுக்கான குறைந்தபட்ச ஊதியம் ரூ.300 எனவும், திறன்மிக்க தொழிலா ளர்களுக்கு ரூ. 334 எனவும், உயர் திறன்மிக்க தொழிலாளர் களுக்கு ரூ.364 எனவும் நிர் ணயிக்கப்படும் என்றார் அவர்

-விடுதலை,12.1.17

அரசு ஊழியர், ஆசிரியர்களுக்கு பொங்கல் போனஸ்: முதல்வர் அறிவிப்பு

சென்னை, ஜன.12 அரசு ஊழியர்கள், ஆசிரியர்கள், ஓய்வூதியர்களுக்கு பொங்கல் போனஸை முதல்வர் ஓ.பன்னீர் செல்வம் அறிவித்துள்ளார்.

இது தொடர்பாக அவர் நேற்று வெளியிட்ட அறிக்கையில் கூயிருப்பதாவது:

ஒவ்வொரு ஆண்டும் பொங்கலை யொட்டி அரசு ஊழியர்கள், ஆசிரியர் களுக்கு போனஸ் மற்றும் சிறப்பு போனஸ் ஆகியவை தமிழக அரசால் வழங்கப்பட்டு வருகிறது.

இந்த ஆண்டும் போனஸ் மற்றும் சிறப்பு போனஸ் வழங்கப்படுகிறது. இதன்படி, 2015--2016ஆம் ஆண்டுக்கு சி மற்றும் டி தொகுதியைச் சேர்ந்த அலுவலர்கள், ஆசிரியர்களுக்கு ரூ.3 ஆயிரம் என்ற உச்சவரம்புக்குட்பட்டு 30 நாள் ஊதியத்துக்கு இணையாக மிகை ஊதியம் வழங்கப்படும்.

ஏ மற்றும் பி தொகுதியைச் சேர்ந்த அலுவலர்கள், ஆசிரியர்கள், நிதியாண் டில் குறைந்தபட்சம் 240 நாட்கள் அல் லது அதற்குமேல் பணி யாற்றியவர்கள், சில்லறை செலவினத்தில் மாத அடிப் படையில் நிர்ணயிக்கப்பட்ட ஊதியம் பெறும் முழு, பகுதி நேரப் பணியாளர் கள், ஒருங்கிணைந்த குழந்தைகள் வளர்ச்சிப் பணிகள் திட்டத்தில் பணி யாற்றும் அங்கன் வாடிப் பணியாளர்கள், கிராம உதவியாளர்கள், ஊரக வளர்ச்சி மற்றும் ஊராட்சித் துறையில் சிறப்பு காலமுறை ஊதிய விகிதத்தில் பணியாற் றும் பஞ்சாயத்து உதவியாளர்களுக்கு ரூ.1,000 சிறப்பு மிகை ஊதியம் வழங் கப்படும்.

மேலும், ஒப்பந்த பணியா ளர்கள், தற்காலிக உதவி யாளர்கள், தினக்கூலி அடிப் படையில் பணியாற்றுவோர், ஒரு பகுதி தினக்கூலிகளாக பணியாற்றி பின்னர் நிரந்தர பணியாளர்களாக ஆனவர்கள் ஆகியோருக்கும் ரூ.1,000 சிறப்பு மிகை ஊதியம் வழங்கப்படும். உள்ளாட்சி அமைப்புகள்,

அரசு உதவி பெறும் கல்வி நிறுவனங்கள் ஆகிய வற்றில் பணியாற்றும் அலுவலர்கள், ஆசிரியர்கள், பல்கலைக்கழக மானியக் குழு, அகில இந்திய தொழில்நுட்ப கல் விக்குழு, இந்திய வேளாண் ஆராய்ச்சிக் கழகம் ஆகிய வற்றின் கீழ் சம்பளம் பெறுபவர்கள், அகில இந்திய பணி விதிமுறைகள்கீழ் சம்பளம் பெறுப வர்கள் ஆகியோருக்கும் இந்த மிகை, சிறப்பு மிகை ஊதியம் வழங்கப்படும்.

ஓய்வூதியதாரர்களுக்கு...

ஓய்வூதியம் மற்றும் குடும்ப ஓய்வூ தியம் பெறுபவர்கள், தலையாரி, கர்ண மாக இருந்த முன்னாள் கிராம நிர்வாக அலுவலர்கள் ஆகியோருக்கு ரூ.500 பொங்கல் பரிசாக வழங்கப்படும். இத னால் அரசுக்கு ரூ.325 கோடியே 20 லட்சம் செலவாகும்.
இவ்வாறு அறிக்கையில் முதல்வர் ஓ.பன்னீர்செல்வம் கூறியுள்ளார்.

-விடுதலை,12.1.17

சமையற் கலை தொழிலாளர் தனி நல வாரியம் செயல் வடிவம் பெற அரசுக்கு வேண்டுகோள்

தமிழர் தலைவரிடம் சங்க நிர்வாகிகள் கோரிக்கை

சென்னை, ஜன. 10- 2011ஆம் ஆண்டு தி.மு.க. ஆட்சியில் சமையல் தொழிலாளர்களுக்கு தனி நல வாரியம் அமைக்கப்பட் டது. ஆனால் தற்போது தமிழக அரசு அதற்கு செயல் வடிவம் கொடுக்காமல் இருக்கிறது.

இந்நிலையில் தமிழ்நாடு சமையற் கலை தொழிலாளர் முன்னேற்ற சங்கத் தலைவர் எம்.ஜி-.ராஜாமணி, பொதுச் செயலாளர் மு.இனியவன், மற்றும் நிர்வாகிகள் இரா.ஆனந்தன், டி.அரவிந்தன், முரளி, ஜி.ரமேஷ் மற்றும் வட சென்னை கழக மாவட்டத் தலைவர் வழக்குரைஞர்

சு. குமாரதேவன் ஆகியோர் நேற்று (9.1.2017) திராவிடர் கழகத் தலைவர் ஆசிரியர்

கி.வீரமணி அவர்களை சந்தித்து இது தொடர்பான கோரிக்கை மனுவை அளித்தனர்.

தமிழகம் முழுவதும் பல லட்சக்கணக்கான சமையற் கலைத் தொழிலாளர்களுக்கு, அவர்களின் வாழ்வில் வளம் பெறவும் அவர்கள் குடும்பம் நிம்மதி பெறவும் சமையல் தொழிலாளர்களின் குழந்தைக ளுக்கு நல்ல கல்வி கிடைக் கவும் தொடர்ந்து தொண்டாற்றி வரும் தமிழ்நாடு சமையற் கலை தொழிலாளர் முன்னேற்ற சங்கம் உங்கள் உதவியும் நல் ஆதரவும் வேண்டுகிறது.

கடந்த (தி.மு.க. ஆட்சியில்) 2011ஆம் ஆண்டு மார்ச் மாதம் 14ஆம் தேதி சமையல் தொழி லாளர்களுக்கு தனி நல வாரி யம் அமைக்கப்படும் என அப்போதைய தமிழக முதல் வர் மரியாதைக்குரிய கலைஞர் அறிவித்தார். அதன்படி சமை யல் தொழிலாளர்களுக்கு தனி நலவாரியம் அமைக்கப்பட் டது. அதற்கான அலுவலர் களை நியமிக்கும் முன் ஆட்சி மாற்றம் ஏற்பட்டுவிட்டது. சமையல் தொழிலாளர்கள் தனி நல வாரியமும் கிடப்பில் போடப்பட்டது. இதுகுறித்து பல முறை நாங்கள் அரசுக்கு கோரிக்கை வைத்தும் இதுவரை நலவாரியம் செயல்வடிவம் பெறாமலும் நலவாரியத்திற் கான அலுவலர்களை நியமிக் காமலும் தற்போதைய அரசு காலம் தாழ்த்துகிறது.

சமையல் தொழிலாளர் தனி நல வாரியம் செயல் வடிவம் பெற்றால், நலிந்த எங்கள் சமையல் தொழிலாளர்களுக்கு பெரிதும் உதவியாக இருக்கும். ஆகவே பதவிகளை நோக்கிச் செல்லாமல் சமூக அக்கறை யுடன் செயல்பட்டுக் கொண்டி ருக்கும் உங்களை போன்றோர் களின் குரலுக்கு வலிமையை யும் வீரியமும் அதிகம் என்பதை நாங்கள் நன்கு அறிவோம். எனவே, எங்கள் சமையல் தொழிலாளர்களுக்காக குரல் கொடுக்க வேண்டும் என பணி வன்போடு வேண்டுகிறோம் என அதில் தெரிவிக்கப்பட் டுள்ளது.

-விடுதலை,10.1.16