1978ஆம் ஆண்டின் தீர்ப்பு 2020 தொழிலாளர் சட்டத்துக்குப் பொருந்தாது – உச்ச நீதிமன்றம்!

 புதுடில்லி, ஆக.24- 1978ஆம் ஆண்டு உச்ச நீதிமன்றம் வழங்கிய ‘தொழில்’ குறித்த விளக்கம், 2020-ஆம் ஆண்டு கொண்டுவரப்பட்ட தொழில்துறை உறவுகள் சட்டத்தை விளக்குவதற்கு வழிகாட்டியாக இருக்காது என உச்ச நீதிமன்றம் தீர்ப்பளித்துள்ளது.

1978ஆம் ஆண்டு வழங்கப்பட்ட ‘தொழில்’ குறித்த விளக்கம், 2020ஆம் ஆண்டு கொண்டுவரப்பட்ட தொழில்துறை உறவுகள் சட்டத்தை விளக்குவதற்கும் அடிப்படையாக பயன் படுத்தப்பட வேண்டுமா என்ற கேள்வி உச்சநீதிமன்றத்தின் 9 நீதிபதிகள் கொண்ட அமர்வின் முன் வைக்கப்பட்டது.

உச்ச நீதிமன்ற தலைமை நீதிபதி சூர்ய காந்த் தலைமையிலான 9 நீதிபதிகள் கொண்ட அமர்வில், நீதிபதிகள் பி.வி. நாகரத்னா, பி.எஸ். நரசிம்மா, தீபங்கர் தத்தா, உஜ்ஜல் புயான், சதீஷ் சந்திர சர்மா, ஜாய்மால்யா பாக்சி, அலோக் ஆராதே மற்றும் விபுல் எம். பஞ்சோலி ஆகியோர் இடம் பெற்றிருந்தனர். இதற்கு முன்னதாக, தொழில்துறை உறவுகள் குறித்த வழக்கின் மீதான தீர்ப்பு கடந்த மார்ச் மாதம் ஒத்திவைக்கப்பட்டிருந்தது.

1978-ஆம் ஆண்டின் தீர்ப்பு

இதனிடையே, 1978 பிப்ரவரி 21-ஆம் தேதி, ‘பெங்களூரு நீர் வழங்கல் மற்றும் கழிவுநீர் வாரியம்’ தொடர்பான வழக்கில் 7 நீதிபதிகள் கொண்ட அமர்வு, ‘தொழில்’ என்பதற்கான விரிவான வரையறையை வழங்கியது. அப்போது நீதிபதி வி.ஆர். கிருஷ்ணன் வழங்கிய தீர்ப்பில், தொழில் நிறுவனங்களின் செயல்பாடுகளை அடையாளம் காண ‘மும்முனைச் சோதனை’ வகுக்கப்பட்டது.

அதன்படி, முதலாளி மற்றும் தொழிலாளர்களின் ஒருங்கிணைந்த செயல்பாட்டின் மூலம் பொருட்கள் அல்லது சேவைகள் உற்பத்தி செய்யப்படுவது அல்லது வழங்கப்படுவது போன்ற முறையான நடவடிக்கைகள் ‘தொழில்’ என்ற வரையறைக்குள் வரலாம் எனக் கூறப்பட்டது.

சட்டப்பூர்வ பாதுகாப்பு

இந்த விரிவான விளக்கத்தின் காரணமாக, மருத்துவமனைகள், கல்வி நிறுவனங்கள், சங்கங்கள் மற்றும் பல்வேறு நலத்துறை அமைப்புகளில் பணியாற்றும் ஊழியர்களுக்கும் 1947-ஆம் ஆண்டு தொழில்துறைத் தகராறுகள் சட்டத்தின் கீழ் சட்டப்பூர்வ பாதுகாப்பு கிடைக்கும் நிலை உருவானது.

தொடர்ந்து, 1978-ஆம் ஆண்டு வழங்கப்பட்ட இந்த தீர்ப்பு, 2020-ஆம் ஆண்டு கொண்டுவரப்பட்ட தொழில்துறை உறவுகள் சட்டத்தை விளக்குவதற்கும் அடிப்படையாக பயன் படுத்தப்பட வேண்டுமா என்ற கேள்வி உச்சநீதிமன்றத்தின் 9 நீதிபதிகள் கொண்ட அமர்வின் முன் வைக்கப்பட்டது.

இதில் பெரும்பான்மை நீதிபதிகள், 1978-ஆம் ஆண்டு தீர்ப்பில் உருவாக்கப் பட்ட ‘மும்முனைச் சோதனை’ செல்லு படியாகும் என்றாலும், அதனை 2020-ஆம் ஆண்டு சட்டத்திற்கான பொதுவான வழிகாட்டியாகக் கருத முடியாது எனத் தெரிவித்துள்ளனர்.

தொடர்ந்து, 2020-ஆம் ஆண்டு சட்டத்தின் கீழ் தொடரப்படும் புதிய வழக்குகள், அந்தச் சட்டத்தின் தனிப் பட்ட விதிகள் மற்றும் ஒவ்வொரு வழக்கின் உண்மைகள், சூழ்நிலைகளின் அடிப்படையிலேயே தீர்மானிக்கப்பட வேண்டும் என்றும் அமர்வில் இருந்த நீதிபதிகள் கூறினர்.

அதே நேரத்தில், தற்போது ரத்து செய்யப்பட்ட 1947ஆம் ஆண்டு தொழில்துறைத் தகராறுகள் சட்டத்தின் கீழ் ஏற்கெனவே நிலுவையில் உள்ள தொழிலாளர் தொடர்பான வழக்கு களுக்கு 1978-ஆம் ஆண்டு ‘மும்முனைச் சோதனை’ தொடர்ந்து பொருந்தும் என உச்சநீதிமன்றம் தெளிவுபடுத்தியுள்ளது.

நீதிபதிகள் கருத்து வேறுபாடு

இதனைத் தொடர்ந்து, தலைமை நீதிபதி சூர்ய காந்த் தலைமையிலான ஒன்பது நீதிபதிகள் கொண்ட அமர்வு, ‘தொழில்’ என்பதன் வரையறை குறித்து ஏழு நீதிபதிகள் கொண்ட அமர்வு 1978-ஆம் ஆண்டு வழங்கிய தீர்ப்பை மறுபரிசீலனை செய்யக் கோரும் மனு செல்லுபடியாகும் வகையில் தாக்கல் செய்யப்பட்டது என்று பெரும்பான்மைத் தீர்ப்பின் மூலம் உறுதி செய்தது.

தலைமை நீதிபதி, தனக்காகவும் நீதிபதிகள் சதீஷ் சந்திர சர்மா, அலோக் ஆராதே மற்றும் விபுல் எம் பஞ்சோலி ஆகியோருக்காகவும் பெரும்பான்மைத் தீர்ப்பை எழுதினார். ‘தொழில்’ என்பது எதைக் குறிக்கிறது என்பதை உறுதி செய்வதற்காக 1978-ஆம் ஆண்டு தீர்ப்பில் உருவாக்கப்பட்ட ‘மும்முனைச் சோதனை’ செல்லுபடியாகும் என்று அந்த தீர்ப்பில் இருந்தது.

பெரும்பான்மை தீர்ப்பின்படி, இது 2020-ஆம் ஆண்டு சட்டத் தொகுப்பிற்குப் பொருந்தாது என்றும், புதிய சட்டத்தின் கீழ் தொடரப்படும் எந்தவொரு புதிய வழக்கும் அதன் உண்மைகள் மற்றும் சூழலின் அடிப்படையில் விசாரிக்கப்படும் என்றும் கூறப்பட்டுள்ளது. இருப்பினும், தற்போது ரத்து செய்யப்பட்ட 1947-ஆம் ஆண்டு தொழில்துறை தகராறு சட்டத்தின் கீழ் தாக்கல் செய்யப்பட்ட தொழிலாளர் தொடர்பான நிலுவையில் உள்ள வழக்குகளில் “மும்முறைச் சோதனை” பயன்படுத்தப்படும்.

தீர்ப்பை மறுபரிசீலனைச் செய்ய…

இதனைத் தொடர்ந்து, நீதிபதிகள் பி.எஸ். நரசிம்மா மற்றும் ஜாய்மால்யா பாக்சி ஆகியோர், தலைமை நீதிபதியின் பெரும்பான்மைத் தீர்ப்புடன் பெருமளவில் உடன்பட்டு, தனித்தனித் தீர்ப்புகளை எழுதினார்கள். “தொழில்” என்ற சொல்லின் வரையறை குறித்த 1978-ஆம் ஆண்டு தீர்ப்பை மறுபரிசீலனை செய்யக் கோரும் மனு செல்லுபடியாகும் என்று அவர்கள் தீர்ப்பளித்தனர்.

பெரும்பான்மையினர் இந்த மேற்கோள் செல்லுபடியாகும் என்று கருதுவதாகவும், இந்தத் தீர்ப்பு வருங்காலங்களில் இருந்து மட்டுமே பொருந்தும் என்பதை நாங்கள் மிகத் தெளிவாகக் கூறியுள்ளோம் என்றும் தெரிவித்தனர். மேலும், நிலுவையில் உள்ள வழக்குகள் (1947 தொழில்துறை தகராறு சட்டத்தின் கீழ்) பெங்களூரு நீர் வழங்கல் (1978 தீர்ப்பு) வழக்கானது மும்முனை வரையறையின்படி தீர்க்கப்படும் என்றும் தலைமை நீதிபதி கூறினார்.

மேலும், 1978 ஆம் ஆண்டு தீர்ப்பு சரியானது என்றும், அதை மறுபரிசீல னைக்கு அனுப்ப வேண்டிய அவசியம் இல்லை என்றும் நீதிபதி நாகரத்னா கருத்து தெரிவித்தார். தொடர்ந்து, நீதிபதிகள் பி.வி. நாகரத்னா, தீபங்கர் தத்தா மற்றும் உஜ்ஜல் புயான் ஆகியோர் ஒன்பது நீதிபதிகள் கொண்ட அமர்வுக்குச் செய்யப்பட்ட தலைமை நீதிபதி உள்ள சில நீதிபதிகளின் தீர்ப்பிலிருந்து மாறுபட்டனர்.

இந்நிலையில், 1947-ஆம் ஆண்டு சட்டம் தற்போது ரத்து செய்யப்பட்டு, ஒரு புதிய சட்டம் நடைமுறைக்கு வந்துவிட்டதால், இந்த விவகாரம் ஒரு கல்விசார் பயிற்சியாகிவிடும் என்பதை ஒன்பது நீதிபதிகள் கொண்ட அமர்வு ஏற்றுக் கொண்டது. 1978 ஆம் ஆண்டு தீர்ப்பில் வகுக்கப்பட்ட கோட்பாடுகள், 2020ஆம் ஆண்டு சட்டத்தின் விளக்கத்திற்கு ஒரு முழுமையான அடிப் படையாகக் கருதப்படாது என்றும், அதன் விளக்கம் தனித்தனியாகப் பரிசீலிக்கப்படும் என்றும் தலைமை நீதிபதி சூர்ய காந்த் கூறினார்.

- விடுதலை நாளேடு, 24.08.26

தமிழ்நாட்டை வஞ்சிக்கும் ஒன்றிய அரசு ஊரக வேலை உறுதித் திட்டத்தின்கீழ் ஒன்றிய அரசு ரூ.2087 கோடி நிலுவை

 சென்னை, ஆக. 24– மகாத்மா காந்தி தேசிய ஊரக வேலை உறுதி யளிப்பு திட்டத்தின் கீழ் தமிழ்நாடு அரசுக்கு ரூ.2087 கோடி நிலுவைத் தொகையை ஒன்றிய அரசு வழங்க வேண்டும் என்று தமிழ்நாடு ஊரக வளர்ச்சித்துறை தெரிவித்துள்ளது.

தமிழ்நாட்டில் 2026-2027 நிதியாண் டில் கடந்த ஏப்.1 முதல் ஜூன் 30-ஆம் தேதி வரை மகாத்மா காந்தி தேசிய ஊரக வேலை உறுதியளிப்பு திட்டத்தின் கீழ் 29.83 லட்சம் குடும்பங்களை சேர்ந்த 31.47 லட்சம் தொழிலாளர்களுக்கு வேலை வழங்கப் பட்டு, 3.22 கோடி மனித சக்தி நாட்கள் உருவாக்கப்பட்டுள்ளன.

இதற்காக ரூ.1804 கோடி செலவிடப் பட்டுள்ளது. மகாத்மா காந்தி தேசிய ஊரக வேலை உறுதி திட்டத்துக்கு மாற்றாக கடந்த ஜூலை 1-ஆம் தேதி முதல் வளர்ச்சி அடைந்த பாரதம்- கிராம வேலை உறுதி மற்றும் வாழ்வாதார திட்டம் (விபி-ஜி ராம் ஜி) தமிழ்நாட்டில் செயல்படுத்தப்படுகிறது.

இந்த புதிய திட்டத்தின் கீழ் நிதி பங்கீடு ஒன்றிய மற்றும் மாநில அரசுகளுக்கு இடையே 60:40 என்ற விகிதத்தில் பகிர்ந்தளிக்கப்படும். இத்திட்டத்தின் கீழ் 81.39 லட்சம் குடும்பங்கள் பதிவு செய்யப்பட்டு, 103.18 லட்சம் தனி நபர் தொழி லாளர்களுக்கு வேலை அட்டைகள் வழங்கப்பட்டுள்ளன. இதில் 1,38,314 மாற்றுத் திறனாளிகள், 581 திருநங்கைகள் உள்ளடங்குவர். ஜூலை 25-ஆம் தேதி நிலவரப்படி 26.75 லட்சம் மனித சக்தி நாட்கள் உருவாக்கப்பட்டுள்ளன.மாநிலத்தில் உருவாக்கப்பட்ட மொத்த மனித சக்தி நாட்களில் 87.08 சதவீதம் பெண்கள், 29.69 சதவீதம் எஸ்சி, எஸ்டி குடுங்களை சேர்ந்த பயனாளிகளால் உருவாக்கப்பட்டுள்ளதாக தமிழ்நாடு அரசு தெரிவித்துள்ளது. இந்நிலையில் தகவல் அறியும் உரிமை சட்ட ஆர்வலர் ஒருவர், தேசிய ஊரக வேலை உறுதி திட்டத்தின் கீழ் கடந்த 5 ஆண்டுகளில் தமிழ்நாட்டிற்கு ஒன்றிய அரசு வழங்க வேண்டிய நிலுவைத் தொகை விவரத்தை கேட்டிருந்தார். அதற்கு, ரூ.2087 கோடி ஒன்றிய அரசிடமிருந்து வர வேண்டி இருப்பதாக ஊரக வளர்ச்சித்துறை பதில் அளித்துள்ளது.

 - விடுதலை நாளேடு,24.08.26

தனியார் நிறுவன ஊழியர் ஓய்வுபெறும் நாளிலேயே பணிக்கொடை கிடைக்க ஏற்பாடு ஏதாவது உள்ளதா?

 தனியார் நிறுவன ஊழியர் ஓய்வுபெறும் நாளிலேயே பணிக்கொடை கிடைக்க ஏற்பாடு ஏதாவது உள்ளதா?

ஆம், ஒரு தனியார் நிறுவன ஊழியர் ஓய்வுபெறும் நாளிலேயே (Last Working Day) பணிக்கொடை (Gratuity) தொகையைப் பெறுவதற்குச் சட்டபூர்வமாகவும், நடைமுறை ரீதியாகவும் வழிகள் உள்ளன. [1]

இந்தியாவின் புதிய தொழிலாளர் சட்டங்களின்படி (New Labour Codes), இதற்கான காலக்கெடு மற்றும் நடைமுறைகளில் மிக முக்கிய மாற்றங்கள் கொண்டுவரப்பட்டுள்ளன. [1, 2]

1. சட்டபூர்வ விதிகள் மற்றும் காலக்கெடு

• 2 நாட்கள் தீர்வு விதி (2-Day Settlement Rule): புதிய ஊதியச் சட்டத்தின்படி (Code on Wages), ஒரு ஊழியர் நிறுவனத்தை விட்டு விலகும் போது அல்லது ஓய்வுபெறும்போது, அவரது இறுதித் தீர்வுக்கான (Full & Final Settlement - FnF) தொகை மற்றும் பணிக்கொடை ஆகியவை ஊழியரின் கடைசி வேலை நாளிலிருந்து 2 வேலை நாட்களுக்குள் வழங்கப்பட வேண்டும். [1, 2]
• 30 நாட்கள் சட்ட விதி: பணிக்கொடை சட்டத்தின்படி (Payment of Gratuity Act), அதிகபட்சமாக 30 நாட்களுக்குள் இந்தத் தொகை கைக்கு வந்து சேர வேண்டும். 30 நாட்களுக்கு மேல் தாமதமானால், நிறுவனம் அதற்குரிய வட்டியுடன் (Simple Interest) சேர்த்துத் தர வேண்டும். [1, 2, 3]

எனவே, சட்டப்படியே உங்களது கடைசி நான்றோ அல்லது அதற்கு அடுத்த 2 நாட்களுக்குள்ளோ பணிக்கொடை கிடைக்க முழு உரிமை உண்டு. [1, 2]

---

2. ஓய்வுபெறும் நாளிலேயே பணிக்கொடை பெற நீங்கள் செய்ய வேண்டியவை:

தனியார் நிறுவனங்களில் வழக்கமாக இறுதித் தீர்வுப் பணிகள் (FnF Process) முடிய சில நாட்கள் எடுக்கும். எனவே, நீங்கள் ஓய்வுபெறும் நாளன்றே பணிக்கொடைத் தொகையைப் பெற பின்வரும் நடைமுறைகளை முன்கூட்டியே செய்ய வேண்டும்: [1]

• முன்கூட்டியே விண்ணப்பித்தல் (Advance Application): உங்களது ஓய்வு தேதி எப்போது என்று முன்கூட்டியே தெரியும் என்பதால், ஓய்வுபெறுவதற்கு 30 நாட்களுக்கு முன்பாகவே உங்களது நிறுவனத்தின் மனிதவள மேம்பாட்டுத் துறையிடம் (HR Department) 'படிவம் ஐ' (Form I) சமர்ப்பித்து பணிக்கொடைக்கு விண்ணப்பித்து விடுங்கள். [1]
• நோ-டியூ சான்றிதழ் (No-Due Certificate): உங்களிடம் உள்ள அலுவலகப் பொருட்கள் (Laptop, ID Card போன்றவை) மற்றும் கணக்குகளை ஓய்வு தேரிதிக்கு 1 வாரத்திற்கு முன்பே ஒப்படைத்து, உங்களிடம் எந்தப் பாக்கியும் இல்லை என்ற 'நோ-டியூ' சான்றிதழைப் பெற்றுக்கொள்ளுங்கள்.
• HR துறையிடம் கோரிக்கை விடுத்தல்: புதிய தொழிலாளர் சட்ட விதிகளின்படி எனது கடைசி வேலை நாளன்றே இறுதித் தீர்வை (FnF) முடித்து பணிக்கொடையை வழங்குமாறு HR மேலாளரிடம் எழுத்துப்பூர்வமாக (Email மூலம்) கோரிக்கை வையுங்கள். [1]

⚠️ முக்கிய குறிப்பு:

உங்களது பணிக்கொடைத் தொகையை, நிறுவனத்தின் வேறு ஏதேனும் நிலுவைகளுக்காக (உதாரணமாக, நோட்டீஸ் பீரியட் கட்டணம் போன்றவை) நீதிமன்ற உத்தரவோ அல்லது உங்களால் நிறுவனத்திற்கு ஏற்பட்ட நேரடிப் பொருளாதார இழப்போ நிரூபிக்கப்படாத வரை, நிறுவனம் சட்டப்படி பிடித்து வைக்க முடியாது. [1]

உங்கள் நிறுவனத்தில் 5 ஆண்டுகள் (நிலந்தர ஊழியர் எனில்) அல்லது 1 ஆண்டு (Contract ஊழியர் எனில்) பணிபுரிந்துள்ளீர்களா என்பதை உறுதி செய்து கொண்டு முன்கூட்டியே விண்ணப்பியுங்கள். [1, 2]

- விக்கிபீடியாவிலிருந்து(AI)......

ஓய்வுபெறும் நாளிலேயே ஓய்வூதியம் கிடைக்க ஏற்பாடு ஏதாவது உள்ளதா?

ஓய்வுபெறும் நாளிலேயே ஓய்வூதியம்  கிடைக்க ஏற்பாடு ஏதாவது உள்ளதா?

ஆம், நீங்கள் ஓய்வுபெறும் நாளிலேயே ஓய்வூதியக் கொடுப்பாணை (PPO - Pension Payment Order) மற்றும் அதற்கான பலன்களைப் பெறுவதற்கு அரசு மற்றும் இபிஎஃப்ஓ (EPFO) அமைப்புகளில் சிறப்பான ஏற்பாடுகள் செய்யப்பட்டுள்ளன. [1, 2]

பொதுத்துறை மற்றும் தனியார் துறை ஊழியர்கள் தடையின்றி ஓய்வூதியம் பெற பின்வரும் திட்டங்கள் நடைமுறையில் உள்ளன:

1. இபிஎஃப்ஓ அமைப்பின் ‘பிரயாஸ்’ (PRAYAAS) திட்டம்

தனியார் மற்றும் பொதுத்துறை நிறுவனங்களில் பணிபுரியும் ஊழியர்கள் ஓய்வுபெறும் அதே நாளிலேயே ஓய்வூதியக் கொடுப்பாணையை (PPO) வழங்குவதற்காக இந்திய தொழிலாளர் மற்றும் வேலைவாய்ப்பு அமைச்சகம் மற்றும் இபிஎஃப்ஓ (EPFO) ஆகியவை இணைந்து ‘பிரயாஸ்’ (PRAYAAS) என்ற திட்டத்தை செயல்படுத்தி வருகின்றன. [1]

• நோக்கம்: ஓய்வு பெற்றவுடன் மாதக்கணக்கில் ஓய்வூதியத்திற்காகக் காத்திருப்பதைத் தவிர்ப்பது இதன் முக்கிய நோக்கமாகும்.
• செயல்முறை: ஊழியர் ஓய்வு பெறுவதற்கு 1 அல்லது 2 மாதங்களுக்கு முன்பே, இபிஎஃப்ஓ மற்றும் சம்பந்தப்பட்ட நிறுவனம் (Employer) இணைந்து ஆவணங்களைச் சரிபார்த்து விண்ணப்பங்களை முன்கூட்டியே தயார் செய்துவிடுகின்றன. இதன் மூலம், ஊழியர் பணி நிறைவு செய்யும் நாளிலேயே அவருக்கு பிபிஓ (PPO) வழங்கப்பட்டு, அடுத்த மாதத்திலிருந்தே ஓய்வூதியம் வங்கிக் கணக்கில் வரவு வைக்கப்படுகிறது. [1, 2, 3, 4, 5]

2. மத்திய மற்றும் மாநில அரசு ஊழியர்களுக்கான விதிமுறைகள்

மத்திய அரசு ஊழியர்களுக்கு ஓய்வுபெறும் நாளிலேயே பிபிஓ (PPO) மற்றும் பணிக்கொடை (Gratuity) உள்ளிட்ட பலன்கள் கிடைப்பதற்கான பிரத்யேக நிர்வாக ஏற்பாடுகள் செய்யப்பட்டுள்ளன. [1]

• முன்கூட்டியே திட்டமிடல்: ஓய்வு பெறுவதற்கு 8 மாதங்களுக்கு முன்பே, ஊழியர் தனது குடும்ப விவரங்கள், புகைப்படங்கள் மற்றும் ஓய்வூதியம் பெற விரும்பும் வங்கி விவரங்களை தனது அலுவலகத் தலைவரிடம் (Head of Office) சமர்ப்பிக்க வேண்டும். [1]
• ஆவணங்கள் அனுப்புதல்: அலுவலகத் தலைவர் ஓய்வு தேரிதிக்கு 6 மாதங்களுக்கு முன்பாகவே அனைத்து ஓய்வூதிய ஆவணங்களையும் கணக்கு அதிகாரியிடம் (Accounts Officer) சமர்ப்பித்துவிட வேண்டும். இதனால், ஊழியரின் கடைசி வேலை நாளன்றே அனைத்து நடைமுறைகளும் முடிந்து பலன்கள் உடனே கிடைக்கின்றன. [1, 2]
• விக்கிபீடியாவிலிருந்து எடுக்கப்பட்டது...

---

பி.எப். திட்டத்தில் மாற்றம் ஊழியர்கள் விரும்பினால் மட்டுமே ரூ.1800க்கு மேல் பிடிக்கப்படும்

 புதுடில்லி, ஜூலை 3 பிஎப் பிடித்தம் ரூ.1800க்கு மேல் இனி விரும்பினால் மட்டுமே தொடரக் கூடிய வகையில் புதிய இபிஎப் திட்டத்தில் முக்கிய மாற்றம் செய்யப்பட்டுள்ளது. ஒன்றிய தொழிலாளர் மற்றும் வேலைவாய்ப்பு அமைச்சகம் புதிய ஊழியர் வருங்கால வைப்பு நிதித் திட்டம் 2026-அய் அரசிதழில் நேற்று  (2.7.2026) வெளியிட்டுள்ளது. இதில் ஊழியர்களுக்கு பாதகமான முக்கிய மாற்றம் அறிமுகப்படுத்தப்பட்டுள்ளது.

இதுவரை, மாத ஊதியத்தின் அடிப்படையில், ஊழியரும் நிறுவனமும் தங்களுக்குள் ஒப்புதல் இருந்தால் ரூ.15,000 என்ற ஊதிய வரம்பைத் தாண்டியும் முழு ஊதியத்தின் மீது 12 சதவீத இபிஎப் பங்களிப்பைச் செலுத்தி வந்தனர். இதனால், பல ஊழியர்களின் மாதாந்திர பிஎப் பிடித்தம் ரூ.1,800-அய் விட அதிகமாக இருந்தது. தற்போதைய புதிய திட்டத்தின் கீழ், ரூ.15,000 ஊதிய வரம்பின் அடிப்படையில் கணக்கிடப்படும் ரூ.1,800-க்கு மேற்பட்ட இபிஎப் பங்களிப்பு இனி கட்டாயமல்ல. அது ஊழியர் மற்றும் நிறுவனத்தின் விருப்பத்தின் பேரில் மட்டுமே தொடரும் என்று அமைச்சகம் தெளிவுபடுத்தியுள்ளது.

அதாவது, ரூ.50,000, ரூ.1 லட்சம் ஊதியத்தின் அடிப்படையில் பிஎப் செலுத்த விரும்பினால் இனி அது விருப்பத்தின் அடிப்படையில் மட்டுமே இருக்குமே தவிர கட்டாயமல்ல. இதன் மூலம், பிஎப் பிடித்தத்தை ரூ.1,800க்குள் கட்டுப்படுத்துவதால், ஊழியர்கள் கையில் பெறும் ஊதியம் அதிகரிக்கும் என அரசு தரப்பில் கூறப்படுகிறது. ஆனால், அவர்களின் சேமிப்பு குறைவதோடு, நிறுவனங்கள் செலுத்தும் பிஎப் தொகையும் இதனால் குறையும். இது ஊழியர்களுக்கே பாதிப்பை ஏற்படுத்தும்.

- விடுதலை நாளேடு, 3.7.26

வாரத்தில் 2 நாட்கள் கட்டாய விடுப்பு வழங்கக் கோரி சென்னை உயர்நீதிமன்றத்தில் பொதுநல வழக்கு!

சென்னை, ஆக. 11- தமிழ்நாட்டில் அரசு மற்றும் தனியார் துறைகளில் பணிபுரியும் அனைத்து ஊழியர்களுக்கும் வாரத்தில் 2 நாட்கள் கட்டாய விடுமுறை வழங்க உத்தரவிடக் கோரி சென்னை உயர் நீதிமன்றத்தின் மதுரைக் கிளையில் பொதுநல வழக்கு தாக்கல் செய்யப்பட்டுள்ளது.

தற்போதைய நவீன வாழ்வியலில் தொழிலாளர்கள் கடுமையான வேலைப்பளு மற்றும் மன அழுத்தத்திற்கு ஆளாகி வருகின்றனர். ஊழியர்களின் உடல்நலம், மனநலம் மற்றும் குடும்ப உறவுகளை மேம்படுத்த வாரத்தில் 2 நாட்கள் ஓய்வு என்பது அத்தியாவசியமானது என்று மனுதாரர் குறிப்பிட்டுள்ளார்.

தொடர் சேவை தேவைப்படும் அரசு மற்றும் தனியார் துறைகளில், பொதுமக்களுக்கான பணிகள் பாதிக்கப்படாத வண்ணம் ஊழியர்களைச் சுழற்சி முறையில் (Rotational basis) பணியமர்த்தி இந்த 2 நாட்கள் விடுமுறையைச் செயல்படுத்தலாம் என்றும் மனுவில் பரிந்துரைக்கப்பட்டுள்ளது.

தற்போதைய தொழிலாளர் சட்டங்களின்படி வாரத்தில் ஒரு நாள் மட்டுமே கட்டாய விடுமுறையாக உள்ள நிலையில், இந்த வழக்கு ஊழியர்களிடையே பெரும் எதிர்பார்ப்பை ஏற்படுத்தியுள்ளது. இந்த மனு விரைவில் நீதிமன்ற விசாரணைக்கு வரவுள்ளது.

-விடுதலை நாளேடு, 11.8.26

ஒப்பந்தத் தொழிலாளர் முறை ஒழிப்பை வலியுறுத்தும் கருத்தரங்கம்

 ஓசூர், ஆக. 10- ஓசூரில் ஒப்பந்தத் தொழிலாளர் முறையை ஒழித்துக் கட்டி அனைவரையும் நிரந்தரமாக்கக் கோரி கருத்தரங்கம் புதிய ஜனநாயகத் தொழிலாளர் முன்னணி – தமிழகத் தொழிலாளர் முன்னணி சார்பில் பு.ஜ.தொ.மு மாவட்ட செயலாளர் இரா.சங்கர் தலைமையில் ஒசூர் ஆந்திரா சமிதியில் நடைபெற்றது.

திராவிடர் கழக தொழிலாளர் அணி சார்பில் மாவட்ட தலைவர் சு.வனவேந்தன் கலந்து கொண்டு உரையாற்றினார். இக்கருத்தரங்கில் தமிழக தொழிலாளர் முன்னணி மாவட்ட செயலாளர் சந்தோஷ்,ஒசூர் வழக்குரைஞர் சங்கம் இணைச்செயலாளர் வழக்குரைஞர் எம்.வெங்கடேஷ், தமிழ்நாடு தொழிற்சங்க நடுவம் பொதுச்செயலாளர் ஜே.ஆதிரூபன், ஒசூர் தொழிற்சங்க கூட்டமைப்பு சுந்தரம், புதிய ஜனநாயக தொழிலாளர் முன்னணி மாவட்ட தலைவர் இரவிச்சந்திரன், தமிழ்த்தேச குடியரசு இயக்கம் தலைமை குழு உறுப்பினர் க.இரா.தமிழரசன், பு.ஜ.தொ.மு.இ.கோ. வெங்கடேசன், புரட்சிகர மக்கள் அதிகாரம் வழக்குரைஞர் முரளி, ஜெயராமன், ஆகியோர் கருத்துரைக்கு பின் பெங்களூரு உயர்நீதிமன்றம் மாநில அய்.எப்.டி.யூ. தலைவர் சிறப்புரையாற்றினார்.

நிகழ்ச்சியின் இடையே விடியல் காலை குழுவின் பறையிசை, புரட்சிகர பாடல்கள் பாடப்பட்டது.இந்நிகழ்ச்சியில் திரளான தொழிலாளர்கள் கலந்து கொண்டனர். திராவிடர்கழகம் சார்பில் மாவட்ட செயலாளர் மா.சின்னசாமி, மாவட்ட துணைச் செயலாளர் ச.எழிலன், மாநகர தலைவர் து.ரமேஷ் ஆகியோர் கலந்துகொண்டனர் முடிவில் பு.ஜ.தொ.மு.இணைச் செயலாளர் இரவிச்சந்திரன் நன்றி கூறினார்.

-விடுதலை நாளேடு, 10.08.2026