வெளிமாநில தொழிலாளர்கள் முறையாக பதிவு செய்துள்ளதை உறுதி செய்ய வேண்டும் அதிகாரிகளுக்கு அமைச்சர் சி.வி.கணேசன் உத்தரவு

 Viduthalai  May 14, 2023  தமிழ்நாடு,

சென்னை,மே14- தமிழ்நாடு அரசின் தொழிலாளர் துறை அலு வலர்களுக்கு பணி திறனாய்வுக் கூட்டம் சென்னை தேனாம்பேட் டையில் உள்ள தொழிலாளர் ஆணையர் அலுவலகத்தில் நேற்று முன்தினம் (12.5.2023) நடை பெற்றது.

கூட்டத்துக்கு தொழிலாளர் நலன் மற்றும் திறன் மேம்பாட்டு துறை அமைச்சர் சி.வி.கணேசன் தலைமை தாங்கினார். கூட்டத்தில் அவர் பேசும்போது, "தமிழ்நாடு முதலமைச்சரின் தலைமையிலான இந்த அரசு பொறுப்பேற்ற நாள் முதல் தொழிலாளர்களுக்கு புதிய நலத்திட்டங்களை அறிவித்து தொழிலாளர்களின் நலன் மற்றும் வாழ்க்கைத் திறனை மேம்படுத்தும் வகையில் செயல்பட்டு வருகிறது" என்றார்.

பின்னர் அவர் தொழிலாளர் அலுவலர்களுக்கு வழங்கிய அறிவு ரைகள், ஆலோசனைகள் வரு மாறு:-

தொழிலாளர் துறையின் கீழ் இயங்கும் 18 அமைப்புசாரா தொழி லாளர் நல வாரியங்கள் மூலம் வழங்கப்பட்டு வரும் நலத் திட்ட உதவிகள் வாரிய உறுப்பினர் களை விரைவாக சென்று சேர உரிய நடவடிக்கைகளை மேற் கொள்ள வேண்டும்.

தொழிலாளர் துறை அலுவ லர்கள் அமைப்புசாரா வாரியங் களில் பெறப்படும் கேட்பு மனுக்களின் மீது உடனுக்குடன் தீர்வு காண வேண்டும், நிலுவை ஏதுமின்றி செயல்பட வேண்டும். பதிவு புதுப்பித்தலிலும் நிலுவை இன்றி விரைந்து செயலாற்ற வேண்டும்.

தொழிலாளர் துறையின் செயல்பாடுகளான சமரசப் பணி கள், நீதிசார் பணிகள், சட்ட அமலாக்கப் பணிகள் போன்ற பணிகள் தொடர்பான நிலுவை யில் உள்ள வழக்குகளை விரைந்து முடிக்க நடவடிக்கை எடுக்க வேண்டும்.

தொழில் தகராறுகள் சட்டம், தமிழ்நாடு கடைகள் மற்றும் நிறுவ னங்கள் சட்டம்-1947, குறைந்தபட்ச ஊதிய சட்டம்-1948, பணிக்கொடை பட்டுவாடா சட்டம்-1972, சட்ட முறை எடை யளவு சட்டம்-2009 மற்றும் பல்வேறு தொழிலாளர் நலச் சட்டங்கள் தொடர்பாக நிலுவை யில் உள்ள வழக்குகளை விரைந்து முடிக்க வேண்டும்.

பல்வேறு தொழிலாளர் நல சட்ட அமலாக்கப் பணிகளை துறை அலுவலர்கள் புகார்களுக்கு இடமளிக்காமல் மேற்கொள்ள வேண்டும்.

அமலாக்க அலுவலர்கள் ஆய்வின் சமயம் தொழிலாளர்களுக்கு குறைந்த பட்ச ஊதியம் உரிய காலத்தில் வழங்கப்படுகிறதா? என்பதனை உறுதி செய்ய வேண்டும்.

ஆய்வின் போது வெளிமாநில தொழிலாளர்கள், தொழிலாளர் துறையின் வலைதளத்தில் தங்க ளின் விவரங்களை பதிவேற்றம் செய்துள்ளார்களா? என்பதனை உறுதி செய்ய வேண்டும்.

31.3.2023 அன்று மாநிலம் விட்டு மாநிலம் புலம் பெயர் தொழிலாளர்களுக்கென மாநில அளவிலான ஆலோசனைக் குழு மற்றும் மண்டல அளவிலான ஒருங்கிணைப்புக் குழு உருவாக் கப்பட்டுள்ளதை தொடர்ந்து, மாநில மற்றும் மண்டல அளவி லான குழுக் கூட்டங்களை நிர்ண யிக்கப்பட்ட கால இடைவெளிக் குள் நடத்த வேண்டும்.

சமரச அலுவலர்கள் நாட்டில் தொழில் வளர்ச்சி மேம்படுத்தப் படுவதோடு, தொழிலாளர் நலன் பாதுகாக்கும் வகையிலும் தொழி லாளர் மற்றும் வேலையளிப்போர் இடையே நல்லுறவினை மேம் படுத்தும் வகையிலும் சிறப்பாக செயல்பட வேண்டும்.

மேற்கண்டவாறு அமைச்சர் சி.வி.கணேசன் அறிவுரைகள் வழங்கினார்.

இந்த கூட்டத்தில் தொழி லாளர் ஆணையர் அதுல் ஆனந்த் உள்பட அதிகாரிகள் கலந்து கொண்டனர்.

தமிழ்நாட்டில் 75,321 வெளி மாநிலத் தொழிலாளர்கள் பதிவு: அரசு தகவல்

 

   Viduthalai  March 30, 2023  அரசு, தமிழ்நாடு,

சென்னை, மார்ச் 30 தமிழ்நாட்டில் 75 ஆயிரம் வெளி மாநிலத் தொழிலாலர்கள் பதிவு செய்து உள்ளதாக தொழிலாளர் நலத்துறை தெரிவித்துள்ளது.

வட மாநிலத் தொழிலாளர்கள் மீது தமிழ்நாட்டில் தாக்குதல் நடைபெறுவதாக சில நாட்களுக்கு முன்பு வதந்தி பரப்பப் பட்டது. இதையடுத்து பீகார், ஜார்கண்ட் மாநிலத்தின் சார்பில் செயலர், ஆட்சியர் உள்ளிட்ட பிரதிநிதிகள் அடங்கிய குழு தமிழகம் வந்து தொழிலாளர்களை நேரில் சந்தித்து, களத்தில் இருந்த உண்மைத் தன்மையை காட்சிப்பதிவாக பதிவு செய் தனர். தொழிலாளர்கள் யாரும் தாக்கப்பட வில்லை என்பது உறுதியான நிலையில், வதந்தி செய்தி பரப்பியவர்கள் மீது நடவடிக்கை எடுக்க தமிழ்நாடு அரசு பல்வேறு முன்னெடுப்புகளை எடுத்தது.

இந்நிலையில், தமிழ்நாட்டில் 75,321 வெளி மாநில தொழிலாளர்கள் பதிவு செய்து உள்ளதாக தொழிலாளர் நலத் துறையின் கொள்கை விளக்க குறிப்பில் தெரிவிக்கப்பட்டுள்ளது. அதில் தொழி லாளர் நலத்துறையின் வெளி மாநில தொழிலாளர்களுக்கான<https://labour.tn.gov.in/ism/>  என்ற இணையதளத்தில் 75,321 பேர் பதிவு செய்து உள்ளதாக கூறப்பட்டுள்ளது.

வெளிமாநில தொழிலாளர்களின் விவரங்கள் பதிவு செய்யப்பட வேண்டும் தொழிலாளர் துறை அறிவிப்பு

 

     March 03, 2023 • Viduthalai

சென்னை மார்ச் 3  'வெளிமாநில தொழிலாளர்களின் விவரங்களை அரசுக்குத் தெரிவிக்காத நிறுவனங்களின் மீது, கடும் நடவடிக்கை எடுக்கப்படும்' என, தொழிலாளர் நலத்துறை எச்சரித்துள்ளது. 

தொழிலாளர் உதவி ஆணையர் சுபாஷ்சந்திரன் வெளியிட்டுள்ள அறிக்கை: தொழிலாளர் மற்றும் திறன் மேம்பாட்டுத் துறை கூடுதல் தலைமைச் செயலர் நசிமுதின், முதன்மை செயலர் அதுல் ஆனந்த், இணை ஆணையர் விமலநாதன் ஆகியோர் உத்தரவுப்படி, நிறுவனங்கள், தங்களிடம் பணிபுரியும் வடமாநிலத் தொழிலாளர்கள் பற்றிய விவரங்களை, அரசுக்குத் தெரிவிக்க வேண்டும். வெளிமாநிலத் தொழிலாளர்கள் பணி நிலைமை மற்றும் நலன்களை முறைப்படுத்தவும், பேரிடர் காலங்களில் அவர்களுக்கு உதவி அளிக்கவும் வேண்டியுள்ளது. அதேநேரம், அத்தொழிலாளர்கள், ஒப்பந்ததாரர்களின் கட்டுப்பாட்டில் உள்ளதால், நிறுவனம் தரும் ஊதியம் அவர்களுக்கு கிடைப்பதில்லை என்ற புகாரும் உள்ளது. 

மேலும், பள்ளி செல்லாக் குழந்தைகளைக் கண்டறிய வருவாய், காவல், தொழிலாளர் துறை, குழந்தை தொழிலாளர் தடுப்புப் பிரிவு ஆகியவை, உணவகம், கடை, மருத்துவமனை உள்ளிட்டவற்றில் கூட்டாய்வு செய்கின்றன. இந்த காரணங்களுக்காக வெளி மாநில தொழிலாளர்களின் விவரங்கள் தேவைப்படுகின்றன. அதனால், வேலை வழங்கும் நிறுவனங்கள், தங்களிடம் பணிபுரியும் வெளிமாநிலத் தொழிலாளர்களின் பெயர், ஆதார் எண், மொபைல் போன் எண், சொந்த மாநில முகவரி ஆகியவற்றறை https://labourtn.go.in/ism  என்ற இணையதளத்தில் பதிவு செய்ய வேண்டும். அவ்வாறு செய்யாத நிறுவனங்கள் மீது கடுமையான நடவடிக்கை எடுக்கப்படும். இவ்வாறு அவர் தெரிவித்துள்ளார்.

பதிவு பெறாத அமைப்புசாரா தொழிலாளர்கள் நலவாரியங்களில் புதிதாக பதிவு செய்து கொள்ளலாம்

 

    October 30, 2020 • Viduthalai

திருவள்ளூர், அக். 30- தமிழக அரசின் தொழிலாளர் துறை யில் கட்டுமானம் மற்றும் அமைப்புசாரா தொழிலாளர் களுக்கு 17 தொழிலாளர் நல வாரியங்கள் அமைக்கப்பட்டு செயல்பட்டு வருகின்றன.

நலவாரியங்களில் உறுப் பினர்களாக பதிவு செய்துள்ள தொழிலாளர்களுக்கு கல்வி, திருமணம், மகப்பேறு, ஓய் வூதியம், இயற்கை மரணம் மற்றும் விபத்து மரணம் மூல மாக ஏற்படும் உயிரிழப்புக்கு உதவித் தொகை போன்றவை தகுதியின் அடிப்படையில் வழங்கப்பட்டு வருகிறது. 

திருவள்ளுர் மாவட்டத் தில் வீட்டுவேலை செய்யும் தொழிலாளர்கள் உட்பட கட்டுமானம், உடலுழைப்பு, அமைப்புசாரா ஓட்டுநர்கள், சலவை, முடிதிருத்துவோர், தையல், கைவினை, கைத்தறி, விசைத்தறி, மண்பாண்டம், தெரு வியாபாரம் உள்ளிட்ட அமைப்புசாரா தொழில்களில் ஈடுபட்டு வரும் பதிவு பெறாத தொழிலாளர்கள் தொடர்பு டைய நலவாரியங்களில் புதி தாக பதிவு செய்து கொள் ளவும். ஏற்கெனவே பதிவு செய்தவர்கள் தங்களது பதிவை புதுப்பிக்க <https:labour.tn.gov.in>  என்ற இணைய தளத்தை பயன்படுத்திக் கொள்ளலாம். பதிவு பெறாத அமைப்புசாரா தொழிலாளர் கள்; இணையதளத்தில் தெரிவிக்கப்பட்டுள்ள வழிமுறைகளை பின்பற்றி வயது சான்று, குடும்ப அட்டை, ஆதார் அட்டை, பணிச்சான் றிதழ், கிராம நிர்வாக அலு வலர் சான்று உள்ளிட்ட ஆவணங்களை பதிவேற்றம் செய்து நலவாரியத்தில் உறுப் பினர்களாக தங்களை பதிவு செய்து பயன்பெறுமாறு கேட்டுக்கொள்ளப்படுகிறது. விண்ணப்பதாரர் 18 வயது முதல் 60 வயதுக்குள் இருத் தல் வேண்டும். நலவாரிய பதி வுக்கான விண்ணப்பங்களை இணையதளத்தின் மூலம் சமர்ப்பித்த பிறகு தகுதி வாய்ந்த தொழிலாளர்களுக்கு 30 நாட்களுக்குள் பதிவு எண் விவரம் கைப்பேசி எண்ணிற்கு குறுஞ்செய்தி மூலம் அனுப்பி வைக்கப்படும்.  அந்த பதிவு எண் மூலம் பதிவு அட்டையை பதிவிறக்கம் செய்து கொள் ளலாம். இந்த வாய்ப்பினை அனைத்து அமைப்புசாரா தொழிலாளர்களும் பயன் படுத்திக்கொள்ளுமாறு மாவட்ட ஆட்சியர் மகேஸ் வரி தெரிவித்துள்ளார்.