இந்தியன் ஓவர்சீஸ் வங்கி பிற்படுத்தப்பட்ட ஊழியர் நலச் சங்கத்தின் மாநில மாநாடு சென்னையில் நடந்தது

 

சென்னை, செப்.10 அனைத்திந்திய இந்தியன் ஓவர்சீஸ் வங்கியின் இதர பிற் படுத்தப்பட்ட ஊழியர் நலச் சங்கத்தின் 19ஆம் ஆண்டு விழா 6.9.2026 அன்று சென்னையில் நடைபெற்றது.

விழா தொடக்கத்தில் ஒடுக்கப்பட்ட மக்களின் மேம்பாட்டிற்காக – சமூகநீதி கிடைப்பதற்கு அரசியலமைப்புச் சட்டத்தில் உரிய பிரிவுகளை உருவாக்கிட – மக்கள் திரள் போராட்டத்தின் மூலம் வழிமுறை கண்ட தந்தை பெரியாரின் ஒளிப்படத்தினை திறந்து அனைவரும் மரியாதை செலுத்தினர்.

ஊழியர் நல சங்கத்தின் ஆண்டு விழாவினை யொட்டி பெண்களின் மேம்பாடு மற்றும் சமூகநீதி – இடஒதுக்கீடு குறித்த கருத் தரங்கம் நடைபெற்றது. சங்கத்தின் பொதுச் செயலாளர் ஏ. இராஜசேகர் கருத்தரங்கு நடவடிக்கைகளை ஒருங்கிணைத்து தலைமை வகித்தார். சங்கத்தின் செயல் தலைவர் ரவீனா விஜயகுமார் வருகை தந்தோரை வரவேற்றுப் பேசினார்.

திராவிட இயக்க தமிழர் பேரவையின் பொதுச் செயலாளர் பேராசிரியர் சுப. வீரபாண்டியன், நாடாளுமன்ற மேனாள் உறுப்பினர் டி.கே.எஸ். இளங்கோவன் சிறப்பு விருந்தினர்களாகப் பங்கேற்று சமூகநீதி – இடஒதுக்கீடு நடைமுறைபற்றி சிறப்புரை ஆற்றினர். ஜாதிவாரி மக்கள் தொகை கணக்கெடுப்பின் அவசியத்தையும் கணக்கெடுப்பு நடத்தப்படும் விதம் குறித்தும் விளக்கமாக எடுத்துரைத்தனர். பிற்படுத்தப் பட்டோர் பற்றிய கணக்கெடுப்பு ஜாதி என்ற குறிப்பில் ஏற்கெனவே உள்ள ஒன்றிய, மாநில அரசுப் பட்டியல்களில் உள்ள பெயரிலேயே பதிவிடப்பட்ட வேண்டும் என்பதுடன் சமூக நீதியின் ஆக்கத்திற்கு உதவிடும் வகையில் இருக்கும் என விரிவாகப் பேசினர்.

சமூக செயல்பாட்டாளரும் வழக் குரைஞருமான பவதாரணி, சமூகத்தில் பெண்கள் சந்திக்கும் சவால்கள் குறித்து சிறப்புரையினை வழங்கினார்.

அனைத்திந்திய பிற்படுத்தப்பட்ட ஊழியர் நல சங்கங்களின் கூட்ட மைப்பின் பொதுச் செயலாளர் கோ. கருணாநிதி பிற்படுத்தப்பட்ட ஊழியர் நலத் திட்டங்கள் குறித்தும், அவைகளை முழுமையாக நடை முறைப்படுத்தி பயன் பெறும் வழிமுறைகள் குறித்தும் விரிவாகப் பேசினர். ஊழியர் நலச் சங்கத்தின் ஆண்டு விழாவிற்கு வாழ்த்து தெரிவித்தும், வருங்காலத்தில் சங்கத்தின் செயல்பாடுகள் பரவலாகத் தெரிகின்ற வகையில் உறுப்பினர் சேர்க்கையில் அக் கறை காட்டி  நடை பெற வேண்டும் எனக் குறிப்பிட்டுப் பேசினார்.

விழாவின் நிறைவாக நலச் சங்கத் தின் பொருளாளர் பி.டி. ஆனந்த் நன்றி கூறினார்.

இந்தியன் ஓவர்சீஸ் வங்கி பிற்படுத் தப்பட்ட ஊழியர் நலச் சங்கத்தின் புதிய தலைவராக சேதுராமன் தேர்ந் தெடுக்கப்பட்டார்.

ஆண்டு விழாவில் பல மாநிலப் பிரதிநிதி உறுப்பினர்கள், பிற நிறுவன பிற்படுத்தப்பட்ட ஊழியர் நலச் சங்கத்தின் பொறுப்பாளர்கள் மற்றும் சமூகநீதியில் நாட்டம் கொண்ட பிரமுகர்கள் பலரும் பங்கேற்றுச் சிறப் பித்தனர்.

-- விடுதலை நாளேடு, 10.09.2026

-------------------------------------------------------------------------------------------------------------

தென் சென்னை திராவிடர் கழக ஊடகம்

கலந்துகொண்ட திராவிடர் கழக தோழர்கள்

கொடுங்கையூர் தங்கமணி, த.தனலட்சுமி, தென் சென்னை செயலாளர் செ.ர.பார்த்தசாரதி, அரும்பாக்கம் சா.தாமோதரன், த.ராஜா, பெரியார் மாணாக்கன்,, ஆவடி துணைச்செயலாளர் க.தமிழ்ச்செல்வன், தாம்பரம் சு.மோகன்ராஜ் மற்றும் பலர் கலந்துகொண்டனர்.

அரசு ஊழியர்களின் 3ஆவது குழந்தைக்கும் 365 நாள் மகப்பேறு விடுப்பு! அரசாணை வெளியீடு

 சென்னை, செப். 4- தமிழ்நாடு அரசில் பணிபுரியும் பெண் ஊழியர்களின் 3ஆவது குழந்தைக்கான மகப்பேறு விடுப்பு 12 வாரங்களில் இருந்து 365 நாட்களாக உயர்த்தி அரசாணை வெளியிடப்பட்டுள்ளது.

இது தொடர்பாக தமிழ்நாடு அரசு வெளியிட்டுள்ள அரசாணை: தமிழ்நாடு அரசில் பணியாற்றும் திருமணமான பெண் ஊழியர்களுக்கு, 2 குழந்தைகளுக்கு குறைவாக இருக்கும் நிலையில், முழு ஊதியத்துடன் 365 நாட்கள் மகப்பேறு விடுப்பு ஏற்கெனவே வழங்கப்பட்டு வருகிறது. அதேபோல், 2 அல்லது அதற்கு மேற்பட்ட குழந்தைகள் உள்ள பெண் அரசு ஊழியர்களுக்கு 12 வாரங்கள் மகப்பேறு விடுப்பு வழங்கப்பட்டு வந்தது.

இந்நிலையில், 2026-2027ஆம் ஆண்டுக்கான மனிதவள மேலாண்மை துறை மானியக் கோரிக்கையின்போது, கடந்த ஆகஸ்ட் 18ஆம் தேதி சட்டப்பேரவையில் அமைச்சர் வெளியிட்ட அறிவிப்பில், தமிழ்நாடு அரசில் பணிபுரியும் பெண் ஊழியர்களின் 3ஆவது குழந்தைக்கான மகப்பேறு விடுப்பு 12 வாரங்களில் இருந்து 365 நாட்களாக உயர்த்தப்படும் என்று தெரிவிக்கப்பட்டது. அதன்படி, 3ஆவது குழந்தைக்கான 12 வார மகப்பேறு விடுப்பு 365 நாட்களாக உயர்த்தப்பட்டுள்ளது. நிரந்தர மற்றும் தற்காலிகப் பணியில் உள்ள திருமணமான பெண் அரசு ஊழியர்கள் இந்தச் சலுகையை பெறலாம். இந்த 365 நாட்களுக்கும் முழு ஊதியம் வழங்கப்படும்.

மேலும், மகப்பேறு விடுப்பை மகப்பேறுக்கு முந்தைய ஓய்வு காலம் முதல் மகப்பேறுக்குப் பிந்தைய உடல்நல மீட்பு காலம் வரை, சம்பந்தப்பட்ட பெண் ஊழியரின் விருப்பத்துக்கு ஏற்ப பயன்படுத்திக் கொள்ளலாம். உத்தரவு பிறப்பிக்கப்பட்ட தேதிக்கு முன்பே 3ஆவது குழந்தைக்காக மகப்பேறு விடுப்பில் சென்று, அந்த விடுப்பை தொடர்ந்து அனுபவித்து வரும் பெண் அரசு ஊழியர்களுக்கும் இந்த புதிய சலுகை பொருந்தும். அவர்கள் மொத்தமாக 365 நாட்கள் வரை மகப்பேறு விடுப்பு எடுத்துக் கொள்ளலாம். இவ்வாறு அதில் குறிப்பிடப்பட்டுள்ளது.

- விடுதலை நாளேடு, 4.9.26

1978ஆம் ஆண்டின் தீர்ப்பு 2020 தொழிலாளர் சட்டத்துக்குப் பொருந்தாது – உச்ச நீதிமன்றம்!

 புதுடில்லி, ஆக.24- 1978ஆம் ஆண்டு உச்ச நீதிமன்றம் வழங்கிய ‘தொழில்’ குறித்த விளக்கம், 2020-ஆம் ஆண்டு கொண்டுவரப்பட்ட தொழில்துறை உறவுகள் சட்டத்தை விளக்குவதற்கு வழிகாட்டியாக இருக்காது என உச்ச நீதிமன்றம் தீர்ப்பளித்துள்ளது.

1978ஆம் ஆண்டு வழங்கப்பட்ட ‘தொழில்’ குறித்த விளக்கம், 2020ஆம் ஆண்டு கொண்டுவரப்பட்ட தொழில்துறை உறவுகள் சட்டத்தை விளக்குவதற்கும் அடிப்படையாக பயன் படுத்தப்பட வேண்டுமா என்ற கேள்வி உச்சநீதிமன்றத்தின் 9 நீதிபதிகள் கொண்ட அமர்வின் முன் வைக்கப்பட்டது.

உச்ச நீதிமன்ற தலைமை நீதிபதி சூர்ய காந்த் தலைமையிலான 9 நீதிபதிகள் கொண்ட அமர்வில், நீதிபதிகள் பி.வி. நாகரத்னா, பி.எஸ். நரசிம்மா, தீபங்கர் தத்தா, உஜ்ஜல் புயான், சதீஷ் சந்திர சர்மா, ஜாய்மால்யா பாக்சி, அலோக் ஆராதே மற்றும் விபுல் எம். பஞ்சோலி ஆகியோர் இடம் பெற்றிருந்தனர். இதற்கு முன்னதாக, தொழில்துறை உறவுகள் குறித்த வழக்கின் மீதான தீர்ப்பு கடந்த மார்ச் மாதம் ஒத்திவைக்கப்பட்டிருந்தது.

1978-ஆம் ஆண்டின் தீர்ப்பு

இதனிடையே, 1978 பிப்ரவரி 21-ஆம் தேதி, ‘பெங்களூரு நீர் வழங்கல் மற்றும் கழிவுநீர் வாரியம்’ தொடர்பான வழக்கில் 7 நீதிபதிகள் கொண்ட அமர்வு, ‘தொழில்’ என்பதற்கான விரிவான வரையறையை வழங்கியது. அப்போது நீதிபதி வி.ஆர். கிருஷ்ணன் வழங்கிய தீர்ப்பில், தொழில் நிறுவனங்களின் செயல்பாடுகளை அடையாளம் காண ‘மும்முனைச் சோதனை’ வகுக்கப்பட்டது.

அதன்படி, முதலாளி மற்றும் தொழிலாளர்களின் ஒருங்கிணைந்த செயல்பாட்டின் மூலம் பொருட்கள் அல்லது சேவைகள் உற்பத்தி செய்யப்படுவது அல்லது வழங்கப்படுவது போன்ற முறையான நடவடிக்கைகள் ‘தொழில்’ என்ற வரையறைக்குள் வரலாம் எனக் கூறப்பட்டது.

சட்டப்பூர்வ பாதுகாப்பு

இந்த விரிவான விளக்கத்தின் காரணமாக, மருத்துவமனைகள், கல்வி நிறுவனங்கள், சங்கங்கள் மற்றும் பல்வேறு நலத்துறை அமைப்புகளில் பணியாற்றும் ஊழியர்களுக்கும் 1947-ஆம் ஆண்டு தொழில்துறைத் தகராறுகள் சட்டத்தின் கீழ் சட்டப்பூர்வ பாதுகாப்பு கிடைக்கும் நிலை உருவானது.

தொடர்ந்து, 1978-ஆம் ஆண்டு வழங்கப்பட்ட இந்த தீர்ப்பு, 2020-ஆம் ஆண்டு கொண்டுவரப்பட்ட தொழில்துறை உறவுகள் சட்டத்தை விளக்குவதற்கும் அடிப்படையாக பயன் படுத்தப்பட வேண்டுமா என்ற கேள்வி உச்சநீதிமன்றத்தின் 9 நீதிபதிகள் கொண்ட அமர்வின் முன் வைக்கப்பட்டது.

இதில் பெரும்பான்மை நீதிபதிகள், 1978-ஆம் ஆண்டு தீர்ப்பில் உருவாக்கப் பட்ட ‘மும்முனைச் சோதனை’ செல்லு படியாகும் என்றாலும், அதனை 2020-ஆம் ஆண்டு சட்டத்திற்கான பொதுவான வழிகாட்டியாகக் கருத முடியாது எனத் தெரிவித்துள்ளனர்.

தொடர்ந்து, 2020-ஆம் ஆண்டு சட்டத்தின் கீழ் தொடரப்படும் புதிய வழக்குகள், அந்தச் சட்டத்தின் தனிப் பட்ட விதிகள் மற்றும் ஒவ்வொரு வழக்கின் உண்மைகள், சூழ்நிலைகளின் அடிப்படையிலேயே தீர்மானிக்கப்பட வேண்டும் என்றும் அமர்வில் இருந்த நீதிபதிகள் கூறினர்.

அதே நேரத்தில், தற்போது ரத்து செய்யப்பட்ட 1947ஆம் ஆண்டு தொழில்துறைத் தகராறுகள் சட்டத்தின் கீழ் ஏற்கெனவே நிலுவையில் உள்ள தொழிலாளர் தொடர்பான வழக்கு களுக்கு 1978-ஆம் ஆண்டு ‘மும்முனைச் சோதனை’ தொடர்ந்து பொருந்தும் என உச்சநீதிமன்றம் தெளிவுபடுத்தியுள்ளது.

நீதிபதிகள் கருத்து வேறுபாடு

இதனைத் தொடர்ந்து, தலைமை நீதிபதி சூர்ய காந்த் தலைமையிலான ஒன்பது நீதிபதிகள் கொண்ட அமர்வு, ‘தொழில்’ என்பதன் வரையறை குறித்து ஏழு நீதிபதிகள் கொண்ட அமர்வு 1978-ஆம் ஆண்டு வழங்கிய தீர்ப்பை மறுபரிசீலனை செய்யக் கோரும் மனு செல்லுபடியாகும் வகையில் தாக்கல் செய்யப்பட்டது என்று பெரும்பான்மைத் தீர்ப்பின் மூலம் உறுதி செய்தது.

தலைமை நீதிபதி, தனக்காகவும் நீதிபதிகள் சதீஷ் சந்திர சர்மா, அலோக் ஆராதே மற்றும் விபுல் எம் பஞ்சோலி ஆகியோருக்காகவும் பெரும்பான்மைத் தீர்ப்பை எழுதினார். ‘தொழில்’ என்பது எதைக் குறிக்கிறது என்பதை உறுதி செய்வதற்காக 1978-ஆம் ஆண்டு தீர்ப்பில் உருவாக்கப்பட்ட ‘மும்முனைச் சோதனை’ செல்லுபடியாகும் என்று அந்த தீர்ப்பில் இருந்தது.

பெரும்பான்மை தீர்ப்பின்படி, இது 2020-ஆம் ஆண்டு சட்டத் தொகுப்பிற்குப் பொருந்தாது என்றும், புதிய சட்டத்தின் கீழ் தொடரப்படும் எந்தவொரு புதிய வழக்கும் அதன் உண்மைகள் மற்றும் சூழலின் அடிப்படையில் விசாரிக்கப்படும் என்றும் கூறப்பட்டுள்ளது. இருப்பினும், தற்போது ரத்து செய்யப்பட்ட 1947-ஆம் ஆண்டு தொழில்துறை தகராறு சட்டத்தின் கீழ் தாக்கல் செய்யப்பட்ட தொழிலாளர் தொடர்பான நிலுவையில் உள்ள வழக்குகளில் “மும்முறைச் சோதனை” பயன்படுத்தப்படும்.

தீர்ப்பை மறுபரிசீலனைச் செய்ய…

இதனைத் தொடர்ந்து, நீதிபதிகள் பி.எஸ். நரசிம்மா மற்றும் ஜாய்மால்யா பாக்சி ஆகியோர், தலைமை நீதிபதியின் பெரும்பான்மைத் தீர்ப்புடன் பெருமளவில் உடன்பட்டு, தனித்தனித் தீர்ப்புகளை எழுதினார்கள். “தொழில்” என்ற சொல்லின் வரையறை குறித்த 1978-ஆம் ஆண்டு தீர்ப்பை மறுபரிசீலனை செய்யக் கோரும் மனு செல்லுபடியாகும் என்று அவர்கள் தீர்ப்பளித்தனர்.

பெரும்பான்மையினர் இந்த மேற்கோள் செல்லுபடியாகும் என்று கருதுவதாகவும், இந்தத் தீர்ப்பு வருங்காலங்களில் இருந்து மட்டுமே பொருந்தும் என்பதை நாங்கள் மிகத் தெளிவாகக் கூறியுள்ளோம் என்றும் தெரிவித்தனர். மேலும், நிலுவையில் உள்ள வழக்குகள் (1947 தொழில்துறை தகராறு சட்டத்தின் கீழ்) பெங்களூரு நீர் வழங்கல் (1978 தீர்ப்பு) வழக்கானது மும்முனை வரையறையின்படி தீர்க்கப்படும் என்றும் தலைமை நீதிபதி கூறினார்.

மேலும், 1978 ஆம் ஆண்டு தீர்ப்பு சரியானது என்றும், அதை மறுபரிசீல னைக்கு அனுப்ப வேண்டிய அவசியம் இல்லை என்றும் நீதிபதி நாகரத்னா கருத்து தெரிவித்தார். தொடர்ந்து, நீதிபதிகள் பி.வி. நாகரத்னா, தீபங்கர் தத்தா மற்றும் உஜ்ஜல் புயான் ஆகியோர் ஒன்பது நீதிபதிகள் கொண்ட அமர்வுக்குச் செய்யப்பட்ட தலைமை நீதிபதி உள்ள சில நீதிபதிகளின் தீர்ப்பிலிருந்து மாறுபட்டனர்.

இந்நிலையில், 1947-ஆம் ஆண்டு சட்டம் தற்போது ரத்து செய்யப்பட்டு, ஒரு புதிய சட்டம் நடைமுறைக்கு வந்துவிட்டதால், இந்த விவகாரம் ஒரு கல்விசார் பயிற்சியாகிவிடும் என்பதை ஒன்பது நீதிபதிகள் கொண்ட அமர்வு ஏற்றுக் கொண்டது. 1978 ஆம் ஆண்டு தீர்ப்பில் வகுக்கப்பட்ட கோட்பாடுகள், 2020ஆம் ஆண்டு சட்டத்தின் விளக்கத்திற்கு ஒரு முழுமையான அடிப் படையாகக் கருதப்படாது என்றும், அதன் விளக்கம் தனித்தனியாகப் பரிசீலிக்கப்படும் என்றும் தலைமை நீதிபதி சூர்ய காந்த் கூறினார்.

- விடுதலை நாளேடு, 24.08.26

தமிழ்நாட்டை வஞ்சிக்கும் ஒன்றிய அரசு ஊரக வேலை உறுதித் திட்டத்தின்கீழ் ஒன்றிய அரசு ரூ.2087 கோடி நிலுவை

 சென்னை, ஆக. 24– மகாத்மா காந்தி தேசிய ஊரக வேலை உறுதி யளிப்பு திட்டத்தின் கீழ் தமிழ்நாடு அரசுக்கு ரூ.2087 கோடி நிலுவைத் தொகையை ஒன்றிய அரசு வழங்க வேண்டும் என்று தமிழ்நாடு ஊரக வளர்ச்சித்துறை தெரிவித்துள்ளது.

தமிழ்நாட்டில் 2026-2027 நிதியாண் டில் கடந்த ஏப்.1 முதல் ஜூன் 30-ஆம் தேதி வரை மகாத்மா காந்தி தேசிய ஊரக வேலை உறுதியளிப்பு திட்டத்தின் கீழ் 29.83 லட்சம் குடும்பங்களை சேர்ந்த 31.47 லட்சம் தொழிலாளர்களுக்கு வேலை வழங்கப் பட்டு, 3.22 கோடி மனித சக்தி நாட்கள் உருவாக்கப்பட்டுள்ளன.

இதற்காக ரூ.1804 கோடி செலவிடப் பட்டுள்ளது. மகாத்மா காந்தி தேசிய ஊரக வேலை உறுதி திட்டத்துக்கு மாற்றாக கடந்த ஜூலை 1-ஆம் தேதி முதல் வளர்ச்சி அடைந்த பாரதம்- கிராம வேலை உறுதி மற்றும் வாழ்வாதார திட்டம் (விபி-ஜி ராம் ஜி) தமிழ்நாட்டில் செயல்படுத்தப்படுகிறது.

இந்த புதிய திட்டத்தின் கீழ் நிதி பங்கீடு ஒன்றிய மற்றும் மாநில அரசுகளுக்கு இடையே 60:40 என்ற விகிதத்தில் பகிர்ந்தளிக்கப்படும். இத்திட்டத்தின் கீழ் 81.39 லட்சம் குடும்பங்கள் பதிவு செய்யப்பட்டு, 103.18 லட்சம் தனி நபர் தொழி லாளர்களுக்கு வேலை அட்டைகள் வழங்கப்பட்டுள்ளன. இதில் 1,38,314 மாற்றுத் திறனாளிகள், 581 திருநங்கைகள் உள்ளடங்குவர். ஜூலை 25-ஆம் தேதி நிலவரப்படி 26.75 லட்சம் மனித சக்தி நாட்கள் உருவாக்கப்பட்டுள்ளன.மாநிலத்தில் உருவாக்கப்பட்ட மொத்த மனித சக்தி நாட்களில் 87.08 சதவீதம் பெண்கள், 29.69 சதவீதம் எஸ்சி, எஸ்டி குடுங்களை சேர்ந்த பயனாளிகளால் உருவாக்கப்பட்டுள்ளதாக தமிழ்நாடு அரசு தெரிவித்துள்ளது. இந்நிலையில் தகவல் அறியும் உரிமை சட்ட ஆர்வலர் ஒருவர், தேசிய ஊரக வேலை உறுதி திட்டத்தின் கீழ் கடந்த 5 ஆண்டுகளில் தமிழ்நாட்டிற்கு ஒன்றிய அரசு வழங்க வேண்டிய நிலுவைத் தொகை விவரத்தை கேட்டிருந்தார். அதற்கு, ரூ.2087 கோடி ஒன்றிய அரசிடமிருந்து வர வேண்டி இருப்பதாக ஊரக வளர்ச்சித்துறை பதில் அளித்துள்ளது.

 - விடுதலை நாளேடு,24.08.26

தனியார் நிறுவன ஊழியர் ஓய்வுபெறும் நாளிலேயே பணிக்கொடை கிடைக்க ஏற்பாடு ஏதாவது உள்ளதா?

 தனியார் நிறுவன ஊழியர் ஓய்வுபெறும் நாளிலேயே பணிக்கொடை கிடைக்க ஏற்பாடு ஏதாவது உள்ளதா?

ஆம், ஒரு தனியார் நிறுவன ஊழியர் ஓய்வுபெறும் நாளிலேயே (Last Working Day) பணிக்கொடை (Gratuity) தொகையைப் பெறுவதற்குச் சட்டபூர்வமாகவும், நடைமுறை ரீதியாகவும் வழிகள் உள்ளன. [1]

இந்தியாவின் புதிய தொழிலாளர் சட்டங்களின்படி (New Labour Codes), இதற்கான காலக்கெடு மற்றும் நடைமுறைகளில் மிக முக்கிய மாற்றங்கள் கொண்டுவரப்பட்டுள்ளன. [1, 2]

1. சட்டபூர்வ விதிகள் மற்றும் காலக்கெடு

• 2 நாட்கள் தீர்வு விதி (2-Day Settlement Rule): புதிய ஊதியச் சட்டத்தின்படி (Code on Wages), ஒரு ஊழியர் நிறுவனத்தை விட்டு விலகும் போது அல்லது ஓய்வுபெறும்போது, அவரது இறுதித் தீர்வுக்கான (Full & Final Settlement - FnF) தொகை மற்றும் பணிக்கொடை ஆகியவை ஊழியரின் கடைசி வேலை நாளிலிருந்து 2 வேலை நாட்களுக்குள் வழங்கப்பட வேண்டும். [1, 2]
• 30 நாட்கள் சட்ட விதி: பணிக்கொடை சட்டத்தின்படி (Payment of Gratuity Act), அதிகபட்சமாக 30 நாட்களுக்குள் இந்தத் தொகை கைக்கு வந்து சேர வேண்டும். 30 நாட்களுக்கு மேல் தாமதமானால், நிறுவனம் அதற்குரிய வட்டியுடன் (Simple Interest) சேர்த்துத் தர வேண்டும். [1, 2, 3]

எனவே, சட்டப்படியே உங்களது கடைசி நான்றோ அல்லது அதற்கு அடுத்த 2 நாட்களுக்குள்ளோ பணிக்கொடை கிடைக்க முழு உரிமை உண்டு. [1, 2]

---

2. ஓய்வுபெறும் நாளிலேயே பணிக்கொடை பெற நீங்கள் செய்ய வேண்டியவை:

தனியார் நிறுவனங்களில் வழக்கமாக இறுதித் தீர்வுப் பணிகள் (FnF Process) முடிய சில நாட்கள் எடுக்கும். எனவே, நீங்கள் ஓய்வுபெறும் நாளன்றே பணிக்கொடைத் தொகையைப் பெற பின்வரும் நடைமுறைகளை முன்கூட்டியே செய்ய வேண்டும்: [1]

• முன்கூட்டியே விண்ணப்பித்தல் (Advance Application): உங்களது ஓய்வு தேதி எப்போது என்று முன்கூட்டியே தெரியும் என்பதால், ஓய்வுபெறுவதற்கு 30 நாட்களுக்கு முன்பாகவே உங்களது நிறுவனத்தின் மனிதவள மேம்பாட்டுத் துறையிடம் (HR Department) 'படிவம் ஐ' (Form I) சமர்ப்பித்து பணிக்கொடைக்கு விண்ணப்பித்து விடுங்கள். [1]
• நோ-டியூ சான்றிதழ் (No-Due Certificate): உங்களிடம் உள்ள அலுவலகப் பொருட்கள் (Laptop, ID Card போன்றவை) மற்றும் கணக்குகளை ஓய்வு தேரிதிக்கு 1 வாரத்திற்கு முன்பே ஒப்படைத்து, உங்களிடம் எந்தப் பாக்கியும் இல்லை என்ற 'நோ-டியூ' சான்றிதழைப் பெற்றுக்கொள்ளுங்கள்.
• HR துறையிடம் கோரிக்கை விடுத்தல்: புதிய தொழிலாளர் சட்ட விதிகளின்படி எனது கடைசி வேலை நாளன்றே இறுதித் தீர்வை (FnF) முடித்து பணிக்கொடையை வழங்குமாறு HR மேலாளரிடம் எழுத்துப்பூர்வமாக (Email மூலம்) கோரிக்கை வையுங்கள். [1]

⚠️ முக்கிய குறிப்பு:

உங்களது பணிக்கொடைத் தொகையை, நிறுவனத்தின் வேறு ஏதேனும் நிலுவைகளுக்காக (உதாரணமாக, நோட்டீஸ் பீரியட் கட்டணம் போன்றவை) நீதிமன்ற உத்தரவோ அல்லது உங்களால் நிறுவனத்திற்கு ஏற்பட்ட நேரடிப் பொருளாதார இழப்போ நிரூபிக்கப்படாத வரை, நிறுவனம் சட்டப்படி பிடித்து வைக்க முடியாது. [1]

உங்கள் நிறுவனத்தில் 5 ஆண்டுகள் (நிலந்தர ஊழியர் எனில்) அல்லது 1 ஆண்டு (Contract ஊழியர் எனில்) பணிபுரிந்துள்ளீர்களா என்பதை உறுதி செய்து கொண்டு முன்கூட்டியே விண்ணப்பியுங்கள். [1, 2]

- விக்கிபீடியாவிலிருந்து(AI)......

ஓய்வுபெறும் நாளிலேயே ஓய்வூதியம் கிடைக்க ஏற்பாடு ஏதாவது உள்ளதா?

ஓய்வுபெறும் நாளிலேயே ஓய்வூதியம்  கிடைக்க ஏற்பாடு ஏதாவது உள்ளதா?

ஆம், நீங்கள் ஓய்வுபெறும் நாளிலேயே ஓய்வூதியக் கொடுப்பாணை (PPO - Pension Payment Order) மற்றும் அதற்கான பலன்களைப் பெறுவதற்கு அரசு மற்றும் இபிஎஃப்ஓ (EPFO) அமைப்புகளில் சிறப்பான ஏற்பாடுகள் செய்யப்பட்டுள்ளன. [1, 2]

பொதுத்துறை மற்றும் தனியார் துறை ஊழியர்கள் தடையின்றி ஓய்வூதியம் பெற பின்வரும் திட்டங்கள் நடைமுறையில் உள்ளன:

1. இபிஎஃப்ஓ அமைப்பின் ‘பிரயாஸ்’ (PRAYAAS) திட்டம்

தனியார் மற்றும் பொதுத்துறை நிறுவனங்களில் பணிபுரியும் ஊழியர்கள் ஓய்வுபெறும் அதே நாளிலேயே ஓய்வூதியக் கொடுப்பாணையை (PPO) வழங்குவதற்காக இந்திய தொழிலாளர் மற்றும் வேலைவாய்ப்பு அமைச்சகம் மற்றும் இபிஎஃப்ஓ (EPFO) ஆகியவை இணைந்து ‘பிரயாஸ்’ (PRAYAAS) என்ற திட்டத்தை செயல்படுத்தி வருகின்றன. [1]

• நோக்கம்: ஓய்வு பெற்றவுடன் மாதக்கணக்கில் ஓய்வூதியத்திற்காகக் காத்திருப்பதைத் தவிர்ப்பது இதன் முக்கிய நோக்கமாகும்.
• செயல்முறை: ஊழியர் ஓய்வு பெறுவதற்கு 1 அல்லது 2 மாதங்களுக்கு முன்பே, இபிஎஃப்ஓ மற்றும் சம்பந்தப்பட்ட நிறுவனம் (Employer) இணைந்து ஆவணங்களைச் சரிபார்த்து விண்ணப்பங்களை முன்கூட்டியே தயார் செய்துவிடுகின்றன. இதன் மூலம், ஊழியர் பணி நிறைவு செய்யும் நாளிலேயே அவருக்கு பிபிஓ (PPO) வழங்கப்பட்டு, அடுத்த மாதத்திலிருந்தே ஓய்வூதியம் வங்கிக் கணக்கில் வரவு வைக்கப்படுகிறது. [1, 2, 3, 4, 5]

2. மத்திய மற்றும் மாநில அரசு ஊழியர்களுக்கான விதிமுறைகள்

மத்திய அரசு ஊழியர்களுக்கு ஓய்வுபெறும் நாளிலேயே பிபிஓ (PPO) மற்றும் பணிக்கொடை (Gratuity) உள்ளிட்ட பலன்கள் கிடைப்பதற்கான பிரத்யேக நிர்வாக ஏற்பாடுகள் செய்யப்பட்டுள்ளன. [1]

• முன்கூட்டியே திட்டமிடல்: ஓய்வு பெறுவதற்கு 8 மாதங்களுக்கு முன்பே, ஊழியர் தனது குடும்ப விவரங்கள், புகைப்படங்கள் மற்றும் ஓய்வூதியம் பெற விரும்பும் வங்கி விவரங்களை தனது அலுவலகத் தலைவரிடம் (Head of Office) சமர்ப்பிக்க வேண்டும். [1]
• ஆவணங்கள் அனுப்புதல்: அலுவலகத் தலைவர் ஓய்வு தேரிதிக்கு 6 மாதங்களுக்கு முன்பாகவே அனைத்து ஓய்வூதிய ஆவணங்களையும் கணக்கு அதிகாரியிடம் (Accounts Officer) சமர்ப்பித்துவிட வேண்டும். இதனால், ஊழியரின் கடைசி வேலை நாளன்றே அனைத்து நடைமுறைகளும் முடிந்து பலன்கள் உடனே கிடைக்கின்றன. [1, 2]
• விக்கிபீடியாவிலிருந்து எடுக்கப்பட்டது...

---