100 நாள் வேலை உறுதித் திட்ட தினக்கூலியில் மாற்றம்: தமிழ்நாட்டிற்கு இழைக்கப்பட்ட அநீதி

  April 02, 2022 • Viduthalai

21  மாநிலங்கள், யூனியன் பிரதேசங் களில் 5 சதவீதத்திற்கும் குறைவான ஊதிய உயர்வு வழங்கப்பட்டுள்ளது. 10 மாநிலங் களுக்கு மட்டுமே 5சதவீதத்திற்கும் அதிக மான உயர்வு கிடைத்துள்ளது. இவை ஏப் ரல் 1 ஆம் தேதி முதல் அமலுக்கு வருகிறது

2022-2023 நிதியாண்டிற்கான கிராமப்புற வேலை உறுதித் திட்டமான மகாத்மா காந்தி தேசிய ஊரக வேலை உறுதி திட்டத்தின் புதிய ஊதிய விகிதங்களை ஒன்றிய அரசு அறிவித்துள்ளது.

34 மாநிலங்களில் 21 மாநிலங்கள் மற்றும் யூனியன் பிரதேசங்களில் 5 சதவீதத்திற்கும் குறைவாகவும், 10 மாநிலங்கள் 5 சதவீதத் திற்கும் அதிகமான உயர்வும் பெறுகின்றன. மணிப்பூர், மிசோரம், திரிபுரா ஆகிய மூன்று மாநிலங்களில் எவ்வித மாற்றமும் மேற் கொள்ளவில்லை. இந்த புதிய ஊதியம் ஏப் ரல் 1 ஆம் தேதி முதல் அமலுக்கு வருகிறது.

31 மாநிலங்கள் மற்றும் யூனியன் பிர தேசங்களில், அதிகபட்சமாக கோவாவுக்கு 7.14 சதவீதம் ஊதியம் உயர்த்தப்பட்டுள்ளது. அதாவது, 2021-2022இல் தினக்கூலியாக ரூ.294 இருந்த நிலையில், 2022-2023க்கு 315ஆக உயர்ந்துள்ளது. குறைவான ஊதிய உயர்வாக 1.77% மேகலாயாவுக்கு கிடைத்து உள்ளது. அங்கு தினக்கூலி 226இல் இருந்து 230ஆக உயர்ந்துள்ளது. மேகாலயாவைத் தவிர, அருணாச்சலப் பிரதேசம், நாகாலாந்து  ஆகிய இரண்டு மாநிலங்களும் தினக்கூலி ஊதியம் 2 சதவீதத்திற்கும் குறைவான அதிகரிப்பைக் கண்டுள்ளன.

அசாம், தமிழ்நாடு, புதுச்சேரியில் ஊதியம் 2 முதல் 3 சதவீதம் வரை உயர்த் தப்பட்டுள்ளது. மகாராட்டிரா, ஒடிசா, தாத்ரா, நாகர் ஹவேலி, டாமன் மற்றும் டையூவில் 3 முதல் 4% வரையும், குஜராத், உத்தரப்பிரதேசம், உத்தரகாண்ட், ராஜஸ் தான், மேற்கு வங்கம், சிக்கிம், ஹிமாச்சல பிரதேசம், அந்தமான் & நிக்கோபார் தீவுகள், பஞ்சாப், ஆந்திரா, தெலங்கானா ஆகிய மாநிலங்களில் 4 முதல் 5 சதவீதம் வரையும் ஊதிய உயர்வை பெற்றுள்ளன.

அரியானா, சத்தீஸ்கர், மத்தியப் பிர தேசம், பீகார், ஜார்கண்ட், ஜம்மு & காஷ்மீர், லட்சத்தீவு, கேரளா, கருநாடகா மற்றும் கோவா ஆகிய 10 மாநிலங்கள் மட்டுமே 5 சதவீதத்திற்கும் அதிகமான ஊதிய உயர்வு கிடைத்துள்ளது.  அதாவது, 31 மாநிலங்கள் மற்றும் யூனியன் பிரதேசங்களில் 2022-2023 ஆம் ஆண்டிற்கான NREGS ஊதியங் கள் ஒரு நாளைக்கு ரூ. 4 முதல் ரூ. 21 வரை அதிகரிக்கப்பட்டுள்ளன.

MGNREGA ஊதிய விகிதங்கள் சிறிமி-கிலி (நுகர்வோர் விலைக் குறியீடு-விவசாயத் தொழிலாளர்) மாற்றங்களின்படி நிர்ணயிக் கப்படுகின்றன, இது கிராமப்புறங்களில் பணவீக்கத்தின் அதிகரிப்பைப் பிரதிபலிக் கிறது. புதிய ஊதிய விகிதங்களின்படி, அய்ந்து மாநிலங்கள் மற்றும் யூனியன் பிரதேசங் களில் அதிக  NREGS ஊதியம் பெறுவதில் முதலிடத்தில் அரியானா (தினக்கூலி 331 ரூபாய்) உள்ளது. இதைத் தொடர்ந்து, கோவா (ரூ315), கேரளா (ரூ311), கருநாடகா (ரூ309), அந்தமான் நிக்கோபார் (308) ஆகும். குறைவான ஊதிய உயர்வில் திரிபுரா (தினக்கூலி ரூ212), பிகார் (ரூ210), ஜார்க்கண்ட் (ரூ210), சத்தீஸ்கர் (ரூ204), மத்திய பிரதேசம் (ரூ204) ஆகும்.

உத்தரப்பிரதேசம், உத்தரகாண்ட் ஆகிய இரண்டுக்கும் ஒரு நாளைக்கு ரூ.213 ஆகவும், அருணாச்சலப் பிரதேசம், சிக்கி முக்கு ரூ.216 ஆகவும், ஒடிசா மற்றும் சிக்கி முக்கு ரூ.222 ஆகவும், மேற்கு வங்கத்தில் ரூ.223 ஆகவும், ஜம்மு-காஷ்மீருக்கு ரூ.227 ஆகவும் ஊதிய தொகை உள்ளது.

இதன் படி தமிழ்நாடு அதிக வரி வரு வாயை ஒன்றிய அரசுக்குக் கொடுத்த போதிலும் தொடர்ந்து அனைத்து விதங் களிலும் தமிழ்நாட்டை ஒன்றிய அரசு புறக்கணித்து வருகிறது, தற்போது நூறுநாள் வேலை வாய்ப்பு ஊதியம் வழங்குவதிலும் பார பட்சம் காட்டி நடந்துள்ளது. என்பது தெரிய வருகிறது.

தேசிய ஊரக வேலை உறுதித் திட்டம் மாற்றுத் திறனாளிகள் 4 மணி நேரம் வேலை செய்தாலே முழு ஊதியம் : தமிழ்நாடு அரசு அறிவிப்பு

 

  May 17, 2022 • Viduthalai

சென்னை, மே 17  வேலை அட்டை கோரும் தகுதியுடைய மாற்றுத் திறனாளிகள் அனைவருக்கும் நீல நிற  அட்டை வழங்குவதோடு மாநில அரசின் சிறப்பு வழிகாட்டு நெறிமுறை களின்படி  அவர் களுக்கு வேலை  குறித்த காலத் திற்கும் அதற்கான ஊதியத் தினையும்  வழங்குவது உறுதி செய்யப்படுகிறது என்று தமிழக அரசு அறிவித்துள்ளது. 

இது குறித்து வெளியிட்ட அறிக்கை: தமிழ்நாட்டில் மகாத்மா காந்தி தேசிய ஊரக வேலை உறுதித்திட்டம் தேசிய அளவில் சிறப்பாக செயல்படுத் தப்பட்டு வருகிறது.

இதன்படி திறன்சாரா உடல் உழைப்பினை மேற்கொள்ள விருப்பமுடைய வயது வந்தோரை கொண்ட குடும்பம் ஒன்றிற்கு அதிகபட்சமாக ஆண்டொன் றிற்கு 100 நாள்கள் வேலை வாய்ப்பு வழங்கப்படுகிறது. இதற்கு 1 மணி நேர உணவு இடைவெளியுடன் கூடிய 8 மணி நேரம் வேலை செய்ய வேண்டும். இவ்வேலைக்கான தினசரி ஊதியம் ரூ.281 எனவும் இம்முழு ஊதியத்தினை பெற 37 கன அடி வேலை செய்ய வேண்டும் என நிர்ணயிக்கப்பட்டுள்ளது. இருப்பினும் அவரவர் செய்யும் வேலையின் அளவிற்கேற்ப ஊதி யம் வழங்கப்பட்டுவருகிறது.

இந்நிலையில் தமிழ்நாட்டில் முதன் முறையாக  மாற்றுத் திறனாளிகளுக்கென சிறப்பு ஊரக விலைப் புள்ளி பட்டியல் வெளியிடப்பட்டுள்ளது. இதன்படி மாற்றுத்திறனாளிகள் 4 மணி நேரம் வேலை செய்தாலே முழு ஊதியம் பெறலாம் என வழிவகை செய்யப்பட்டுள்ளது. இதன்படி பணித்தளத்தில் தொழிலாளர் களுக்கு தண்ணீர் வழங்குதல், குழந்தைகளை பராமரித்தல், முன் அளவீடு செய்ய உதவுதல் மற்றும் சிறு வேலைகளான பணித்தளத் தில் அகற்றப்பட்ட மரங்களை அப்புறப்படுத்துதல் (இலை, தழைகள் மற்றும் சிறு மரங்கள்), கரைகளை சமன்படுத்துதல், கரை களின் சரிவுப்பகுதிகளை சீர் செய்தல் போன்ற பணிகள் மட் டுமே செய்ய வரையறுக்கப்பட் டுள்ளது. தமிழகத்தின் இத்தகைய தனித்துவமான  செயல்பாட்டினை ஒன்றிய அரசு பாராட்டியுள்ள தோடு இதர பிற மாநிலங்களும் பின்பற்றி செயல்படுத்த அறிவுறுத் தப்பட்டுள்ளது.

வேலை கோரும் தகுதியுடைய  அனைத்து மாற்றுத்திறனாளி களுக்கும் நீல நிற வேலை அட்டை வழங்கப் பட்டுள்ளது. இவர் களுக்கு 2 கி.மீ தூரத்திற்குள் மட் டுமே வேலை வழங்கப்படுவதுடன் வேலைக்கான ஊதியம் குறிப் பிட்டுள்ள 15 நாட்களுக்குள் அவர்களது வங்கிக்கணக்கில் நேர டியாக ஈடுசெய்யப்பட்டு எவ்வித தாமதமும் ஏற்படாத வண்ணம் அலுவலர்களால் உறுதி செய் யப்படுகிறது. தமிழ்நாட்டில் மாவட்டம் தோறும் ஒவ்வொரு வாரமும் நடைபெறும் மாவட்ட ஆட்சியரின் குறைதீர்ப்பு முகாமில் இவர்களது விண்ணப்பங்கள் பரிசீலிக்கப்பட்டு உடனுக்குடன் நடவடிக்கை எடுக்கப்பட்டு வரு கிறது. இதைத்தவிர இரு மாதங் களுக்கு ஒரு முறை மாவட்ட அளவில் குறை கேட்கும் நாள் நடத்த திட்ட இயக்குநர்களுக்கும் வட்டார அளவில் மாதந்தோறும் நடத்த வட்டார வளர்ச்சி அ லுவலர்களுக்கும், தெரிவிக்கப்பட் டுள்ளது.

தற்போது இத்திட்ட தொழிலா ளர்களுக்கு வழங்கப்பட்டு வரும் வேலை அட்டை சம்பந்தப்பட்ட ஊராட்சி மன்ற தலைவரது கையொப்பத்துடன் வழங்கப்பட்டு வருகிறது. இத்திட்டத்தினை செயல்படுத்தும் முகமை கிராம ஊராட்சி ஆதலால் அதன் தலை வரது கையொப்பத்துடன் வழங் கப்படுகிறது. இதற்கான விண்ணப் பத்தினை ஊராட்சி செயலர், ஊராட்சி மன்றத்தலைவர், வட் டார வளர்ச்சி அலுவலர் இதில் எவரேனும் ஒருவரிடம் வழங்க லாம். இவ்வேலை அட்டையினை வழங்க எவ்வித முன் நிபந் தனைகளுமின்றி கோரும் அனை வருக்கும் தகுதியின் அடிப்படை யில் வழங்கப்பட்டு வருகிறது.

தினமும் இரு முறை தொழி லாளர்களது வருகையினை புகைப்படம் எடுத்தல் வேண்டும் என்பது ஒன்றிய அரசின் அறிவு றுத்தலாகும். இதனை மாற்றுத் திறனாளிகளும் சிரமமின்றி மேற் கொள்ள நடவடிக்கை எடுக்கப் பட்டு வருகிறது. 

எனவே வேலை அட்டை கோரும் தகுதியுடைய மாற் றுத்திறனாளிகள் அனைவருக் கும் நீல நிற அட்டை வழங்குவ தோடு மாநில அரசின் சிறப்பு வழிகாட்டு நெறிமுறைகளின்படி அவர் களுக்கு வேலையும் குறித்த காலத்திற்கும் அதற்கான ஊதியத் தினையும் வழங்குவது உறுதி செய் யப்படுகிறது. இவ்வாறு தமிழ்நாடு அரசு வெளியிட்ட அறிக்கையில் கூறப்பட்டுள்ளது.

சுகாதார துறையில் பணியாற்றும் ஒப்பந்த தொழிலாளர்கள் 13,267 பேருக்கு ஊதிய உயர்வு

 

 May 23, 2022 • Viduthalai

அமைச்சர் மா.சுப்பிரமணியன் அறிவிப்பு

சென்னை, மே.23 தமிழ்நாடு சுகாதாரத் துறையில் ஒப்பந்த அடிப்படையில் பணிபுரியும் 13,267 பணியாளர்களுக்கு ஊதிய உயர்வு வழங்கப்பட்டுள்ளதாக மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியன் கூறினார்.

இது தொடர்பாக அவர் சென்னையில் நேற்று  (22.5.2022) செய்தியாளர்களிடம் கூறியதா வது: தமிழ்நாடு சுகாதாரத் துறையின் கீழ் இயங்கும் தேசிய நலவாழ்வுக் குழுமத்தில் பல்லாயிரக்கணக்கான தொழிலா ளர்கள் பணியாற்றி வருகின்றனர்.

அவர்கள் ஊதிய உயர்வுக்காக முதலமைச்சரையும், என்னையும் சந்தித்து கோரிக்கை விடுத்தனர். கடந்த 4 மாதங்களுக்கு முன்பு 28,982 பேருக்கு 30 சதவீத ஊதிய சலுகைகள் அளித்து, ஆணை பிறப்பிக்கப்பட்டுள்ளது. அதற்காக ரூ.89 கோடியே 82 லட்சம் கூடுதலாக செலவாகி யுள்ளது.

மற்றவர்களும் ஊதிய உயர்வு வழங்க வேண்டும் என்று கோரிக்கை விடுத்துள்ளனர். இதையடுத்து, முதலமைச்சரின் உத்தரவின்படி 13,267 பேருக்கு ஊதிய உயர்வு வழங்கப்பட் டுள்ளது.

தேசிய நலவாழ்வு குழுமத்தில் ஒப்பந்த அடிப்படையில் பணி யாற்றும் மகளிர், தங்களுக்கு மகப்பேறு விடுப்பு வழங்க வேண்டும் என்று கோரிக்கை விடுத்துள்ளனர். இந்தியாவில் எங்கும் ஒப்பந்த அடிப்படையில் பணியாற்றுகின்ற மகளிர் பணி யாளர்களுக்கு மகப்பேறு விடுப்பு வழங்கப்படுவது இல்லை. எனி னும், இந்த கோரிக்கை முதல மைச்சரின் கவனத்துக்கு கொண்டு செல்லப்பட்டு, 6 மாதம் மகப்பேறு விடுப்பு வழங்கப்படும்.

மருத்துவத் துறையின் கட்ட மைப்பை மேம்படுத்துவதற்காக, மானியக் கோரிக்கையில் 136 அறிவிப்புகள் வெளியிடப்பட்டன. அதுமட்டுமின்றி, தினமும் பல்வேறு சிறப்பு அறிவிப்புகளும் அறிவிக்கப்பட்டு வருகின்றன.

ஒன்று முதல் 6 வயது குழந்தைகளுக்கான ஊட்டச் சத்து திட்டத்தை முதலமைச்சர் மு.க. ஸ்டாலின் நீலகிரியில் தொடங்கி வைத்துள்ளார். ஊட்டச் சத்துக்குறைபாடுகளை போக்க, தேசிய நலவாழ்வுக் குழுமத்தின் கீழ் ஈரோடு அரசு மருத்துவமனை, கரூர்அரசு மருத்துவமனை, சென்னைஅரசு ஸ்டான்லி மருத்துவமனையில் 3 புனர்வாழ்வு மய்யங்களை, ரூ.44 லட்சம் செலவில் அமைக்கத் திட்டமிடப்பட்டுள்ளது.

தமிழ்நாட்டில் பல் மற்றும் வாய் சுகாதார சேவைகளை வலுப்படுத்தும் வகையில், தேசிய நலவாழ்வுக் குழுமத்தின் கீழ் 29 ஆரம்ப சுகாதார நிலையங்களில் பல் மருத்துவ சிகிச்சைப் பிரிவு தொடங்கப்பட உள்ளது. இதற் கான மருத்துவர்கள், மருத்துவ உதவியாளர்கள், மருத்துவ உப கரணங்களுக்காக ரூ.87 லட்சம் ஒதுக்கப்படும். இவ்வாறு அமைச் சர் தெரிவித்தார்.

வங்கி எழுத்தர் தேர்வில் தமிழ்மொழி புறக்கணிப்பு கண்டன ஆர்ப்பாட்டத்தில் வங்கி பணியாளர்கள் பங்கேற்பு

 

  May 26, 2022 • Viduthalai

சென்னை, மே 26- வங்கி எழுத்தர் பணிக்கு தமிழில் தேர்ச்சி கட்டாயமில்லை.யா? தமிழ்நாட்டு இளைஞர்க ளின் வேலை வாய்ப்பை பறிக்கும் ஒன்றிய அரசின் சதித்திட்டத்தை கண் டித்து திராவிட மாணவர் கழகம் சார்பில் 24.5.2022 அன்று காலை சென்னை வள்ளுவர் கோட்டம் அருகே நடைபெற்ற ஆர்ப்பாட்டத்தில் அகில இந்திய பிற்படுத்தப்பட் டோர் கூட்ட மைப்பின் பொதுச் செயலாளர் கோ.கருணாநிதி அவர்க ளின் தலைமையில் அதன் நிர்வாகிகள் பிரபாகரன், ராஜசேகரன், சுரேஷ் மற்றும் யூனியன் வங்கிப் பணியாளர்களின் சங்க நிருவாகிகள் டி.ரவிக் குமார், கே.சந்திரன் ஆகி யோர் பங்கேற்றனர்.

பொதுப் பிரிவிலும் இதர பிற்படுத்தப்பட்டோருக்கு முன்னுரிமை தரவேண்டும் உச்ச நீதிமன்றம் அறிவுறுத்தல்

  May 03, 2022 • Viduthalai

 புதுடில்லி,மே 3- கூடுதல் மதிப்பெண் பெற்ற இடஒதுக்கீட்டுப் பிரிவுகளைச் சேர்ந்தவர்களுக்கு பொதுப் பிரிவிலும், முன்னுரிமை தரவேண்டும் என்று உச்சநீதிமன்றம் அறிவுறுத்தியுள்ளது.

கடந்த 2018ஆம் ஆண்டு, ராஜஸ்தான் பிஎஸ்என்எல் வட்டம் சார்பில் டெலிகாம் டெக்னிக்கல் அசிஸ்டென்ட்ஸ் (டிடிடி) என்றகாலிப் பணியிடங்களுக்கான ஆள்சேர்ப்பு அறிவிப்பு வெளியிடப்பட்டது. 

தேர்வில் தகுதி பெற, பொதுப் பிரிவினருக்கு குறைந்தபட்ச மதிப் பெண்கள் 40 சதவீதமாகவும், இடஒதுக்கீட்டில் வரும் பிரிவினருக்கும் குறைந்தபட்ச மதிப்பெண்கள் 33 சதவீதமாகவும் நிர்ண யிக்கப்பட்டது.

ஆனால், தேர்வில், பொதுப் பிரிவினரில் ஒருவர் கூட குறைந்தபட்ச மதிப்பெண்கள் பெறவில்லை.  அதேசமயம், இதர பிற்படுத்தப்பட்ட வகுப்பினரில் 4 பேர் தங்களுக்கான குறைந்தபட்ச மதிப்பெண்கள் பெற்று தேர்ச்சி யடைந்தனர்.

மதிப்பெண்கள் தளர்வு: இதில் அலோக் குமார் யாதவ் என்பவர் 39.87 சதவீதமும் (ஓபிசி), தினேஷ் குமார் என்பவர் 38.5 சதவீதமும் (ஓபிசி) பெற்றனர். இந்நிலையில், எழுத்துத் தேர்வில் பெரும்பாலான தேர்வர்கள் தகுதிபெறவில்லை என்பதால் பிஎஸ்என்எல் நிர்வாகம் பொதுப் பிரிவினருக்கு 30% ஆகவும், இதர பிற்படுத்தப்பட்ட பிரிவினருக்கு 23% ஆகவும் மதிப்பெண்கள் வரம்பை தளர்த்தியது. இந்த புதிய வழிமுறைகளின் படி, பொதுப்பிரிவு வகுப்பினரில் 5 பேர் பணியில்சேர தகுதி பெற்றனர். பிஎஸ்என்எல் நிர்வாகத்தின் இந்த முடிவை எதிர்த்து சந்தீப் சவுத்ரி என்பவர் தீர்ப்பாயத்தில் வழக்கு தொடர்ந்தார். அவர், தனதுமனுவில் கூறும்போது, "விண்ணப்பதாரர்களை தேர்வு செய்வதற்காகமட்டும் குறைந்தபட்ச மதிப்பெண்களை மாற்றியமைத்தது செல்லாதது ஆகும்.

ஏற்கெனவே, இதர பிற்படுத்தப்பட்ட வகுப்பினரில் 2 தேர்வர்கள் (அலோக் குமார் யாதவ் மற்றும்தினேஷ் குமார்) பொது முறைகளின் மூலம் நிரப்பப்படும் காலிப்பணியிடங்களுக்கு தகுதியின் அடிப்படையில், தெரிவு செய்யப்படுவதற்கு தகுதி யுடையவராவர். அவர்கள், பொதுப் பிரிவில்தான் தேர்வாகி இருக்க வேண்டும். இதன் காரணமாக, இதர பிற்படுத்தப்பட்ட வகுப்புக்காக ஏற்கனவே ஒதுக்கீடு செய்யப்பட்ட காலிப் பணியிடத்தின் எண்ணிக்கை எந்தவகையிலும் பாதிக்கப்படக் கூடாது” என்றார்.

தீர்ப்பாயத்தை எதிர்த்து மனு

 இந்த மனுவை விசாரித்த நடுவர் தீர்ப்பாயம், ஏதேனும் வாய்ப்பிருந் தால், பாதிக்கப்பட்ட விண்ணப்பதாரருக்கு உடனடியாக சம வாய்ப்பை வழங்கவேண்டும் என்று தீர்ப்பளித்தது. இந்த தீர்ப்பை எதிர்த்து, பிஎஸ்என்எல் நிர்வாகம் ராஜஸ்தான் உயர் நீதிமன்றத்தில் மனு தாக்கல் செய்தது. இந்த வழக்கை விசாரித்த உயர் நீதிமன்றம், "இட ஒதுக்கீட்டுப் பிரிவுகளைச் சேர்ந்த 2 தேர்வர்கள் பொதுப் பிரிவில் தேர்வாக தகுதியுடையவர்கள். அலோக்குமார் யாதவ் மற்றும் தினேஷ் குமார் இருவரையும், பொதுப்பிரிவு பட்டியலில் சேர்க்க வேண்டும்" என்று உத்தரவிட்டது. இதைத் தொடர்ந்து, உச்ச நீதிமன்றத்தில் மேல்முறையீடு செய்யப்பட்ட இந்த வழக்கு நீதிபதிகள், எம்.ஆர். ஷா, பி.வி.நாகரத்னா ஆகியோர் அடங்கிய அமர்வு முன்பு விசாரணைக்கு வந்தது.

வழக்கை விசாரித்த நீதிபதிகள், 1992இல் நடந்த ஒன்றிய அரசு தொடர்ந்து நீதிபதி இந்திரா சாஹ்னி விசாரித்த வழக்கின் தீர்ப்பைச் சுட்டிக் காட்டி ராஜஸ்தான் உயர்நீதி மன்றம் அளித்த தீர்ப்பு செல்லும்என்று தீர்ப்பு வழங்கினர். மேலும், பொதுப்பிரிவில் கடைசி மதிப்பெண் பெற்று தேர் வான நபரை விட, அதிக மதிப்பெண் பெற்ற இடஒதுக்கீடு வகுப்பைச் சார்ந்த விண்ணப்பதாரர், பொதுப்பிரிவின் கீழ் தேர்வு செய்யப்படுவதற்கு தகுதியுடையவர் என்றும் தெரிவித்தது.

இரவு நேரத்தில் செயல்படும் உணவகங்களை விரைவாக மூடும்படி கட்டாயப்படுத்த காவல்துறையினருக்கு அதிகாரமில்லை : சென்னை உயர் நீதிமன்றம்

 

     February 24, 2022 • Viduthalai

சென்னை, பிப்.24  இரவு நேர உணவகங்களை குறிப்பிட்ட நேரத்துக்குள் விரைவாக மூடும் படி கட்டாயப்படுத்த காவல் துறையினருக்கு அதிகார மில்லை என சென்னை உயர் நீதிமன்றம் உத்தரவிட்டுள்ளது.

சென்னை கீழ்ப்பாக்கம் ஆர்ம்ஸ் சாலையில் உள்ள இரவுநேர துரித உணவகத்தின் அன்றாடசெயல்பாடுகளில் காவல்துறையினர் குறுக்கிட்டு இடையூறு செய்வதாகவும், இது தங்களது அடிப்படை உரிமை யைப் பாதிக்கும் வகையில் உள்ளதாகவும் கூறி அந்த உண வக உரிமையாளர் எஸ்.குண ராஜாஎன்பவர் சென்னை உயர் நீதிமன்றத்தில் வழக்கு தொடர்ந் திருந்தார்.

அதில், கடந்த 11 ஆண்டு களாக இப்பகுதியில் இரவுநேர சைவ துரித உணவகம் நடத்தி வருகிறேன். ஆனால் கடந்த சில மாதங்களாக  காவல்துறையினர் இரவு 10.30 மணிக்குள் எனது உணவகத்தை மூடும்படி கட்டாயப்படுத்துகின்றனர். அதற்கு மேல் உணவகத்தை திறக்கக்கூடாது என கடுமை யான சொற்களால் வாடிக்கை யாளர்களின் முன்னிலையி லேயே எச்சரித்துசெல்கின் றனர். காவல்துறையினரின் தொந்தர வால் எனது வணிகம் கடுமை யாகப் பாதிக்கப்பட்டுள்ளது.

எனது கடைக்கு ஏராளமான வாடிக்கையாளர்கள் நள்ளிரவு நேரங்களில்தான் வருகின்றனர். எனவே அதிகாலை 1.30 மணி வரைஎனது கடையை திறந்து வியாபாரம் செய்ய அனுமதிக் கும்படி காவல்துறை உயரதிகாரி களுக்கு கோரிக்கை விடுத்தும் எந்த பிரயோஜனமும் இல்லை. எனவே எனது இரவுநேரதுரித உணவகத்தை அதிகாலை வரை திறந்து வைத்து வியாபாரம் செய்ய அனுமதிக்க காவல்துறையினருக்கு உத்தரவிட வேண்டும். கடையை மூடும்படி காவல்துறையினர் கட்டாயப்படுத்தக் கூடாது என்று உத்தரவிட வேண்டும் என அதில் கோரியிருந்தார்.

இந்த வழக்கு விசாரணை நீதிபதிகிருஷ்ணன் ராமசாமி முன்பாக நடந்தது. அப்போது மனுதாரர் தரப்பில் வழக் குரைஞர் ராமும், அரசு தரப்பில் வழக்குரைஞர் எம்.ஷாஜகானும் ஆஜராகி வாதிட்டனர்.

அப்போது அரசு தரப்பில் இரவு நேரங்களில் சட்டம் - ஒழுங்குபிரச்சினை மற்றும் பொதுமக்களின் பாதுகாப்பைக் கருத்தில் கொண்டே இரவு நேரங்களில் உணவகங்கள் உள் ளிட்ட கடைகளை விரைவாக மூடும்படி காவல்துறையினர் எச்சரித்து அறிவுறுத்துகின்றனர். இந்த உத்தரவும் வாய் மொழி யாகவே பிறப்பிக்கப்படுகிறது என தெரிவிக்கப் பட்டது.

இருதரப்பு வாதங்களையும் கேட்ட நீதிபதி பிறப்பித்துள்ள உத்தரவில் கூறியிருப்பதாவது:

சட்டம் - ஒழுங்கு பிரச்சினை ஏற்பட்டால் அதைத் தடுத்து பொதுமக்களுக்கு உரிய பாது காப்பு அளிக்க வேண்டிய கட மையும், பொறுப்பும் காவல் துறையினருக்கு உள்ளது. ஆனால் அதையே காரணம் காட்டி இரவு நேரங்களில் உணவகம் நடத்தி பிழைப்பு நடத்தும் வியாபாரிகளை, கடையை மூடும்படி மிரட்டுவது ஏற்புடையதல்ல.

பொதுமக்கள் தாங்கள் விரும்பும் உணவு வகைகளை எந்நேரமும் சாப்பிட அவர் களுக்கு அரசமைப்பு சட்டப் பிரகாரம் பிரிவு 21-இன் கீழ் அடிப்படை உரிமை உள்ளது. எனவேஇரவு நேரங்களை மய்யமாக வைத்து வியாபாரம் செய்யும் உணவகங்களை விரை வாக மூடும்படி காவல்துறையினர் கட்டாயப்படுத்த முடி யாது. அவ்வாறு கட்டாயப் படுத்த காவல்துறையினருக்கு அதிகாரமில்லை.

ஏனெனில் சட்டப்பிரிவு 19(1)(ஜி) பிரகாரம் ஒருவருக்கு தனது கடையைத் திறந்து வைக்கும் சுதந்திரமும், அதை அணுகும் உரிமை பொதுமக்களுக்கும் உள்ளது. தமிழ்நாடு அரசின் சட்டப்படி உணவகங்கள் திறக்க வேண்டிய மற்றும் மூட வேண்டிய நேரத்தை காவல் துறையினர் தீர்மானிக்க முடி யாது. அரசுக்கு மட்டுமே அந்த அதிகாரம் உள்ளது. அரசு அறிவிப்பின்படி உணவகங்கள் தொடர்ந்து செயல்பட எந்த தடையும் இல்லை.

இரவு நேரங்களில் பணிக்குச் செல்லும் தனியார் நிறுவன ஊழியர்கள், இரவு காவலர்கள், வாகனஓட்டிகளின் உணவுத் தேவையைபூர்த்தி செய்யவே இரவு நேரக்கடைகள் செயல் படுகின்றன.

சட்டம் - ஒழுங்கு பிரச்சி னையைக் காரணம் காட்டி அந்த உணவகங்களுக்கு காவல்துறையினர் தொந்தரவு செய்யக் கூடாது. அதேநேரம் இரவு நேர உணவகங்களில் சட்ட விரோத செயல்பாடுகள் நடை பெற்றால் காவல்துறையினர் உரிய நட வடிக்கை எடுக்கலாம்.

இவ்வாறு உத்தரவில் கூறப் பட்டுள்ளது. 

சமூக நீதிப் பயணம் மேற்கொள்ளும் தமிழர் தலைவருக்கு யூனியன் வங்கி பிற்படுத்தப்பட்டோர் நல சங்க நிர்வாகிகள் வாழ்த்து-நன்கொடை அளிப்பு

 

     April 02, 2022 • Viduthalai

'நீட்' தேர்வு ரத்து, ஒன்றிய அரசின் கல்விக் கொள்கை எதிர்ப்பு, மாநில உரிமை மீட்பு பரப்புரை பயணத்தை வருகிற ஏப்ரல் 3-ஆம் தேதி முதல் ஏப்ரல் 25-ஆம் தேதி வரை கன்னியாகுமரி முதல் சென்னை வரை மேற்கொள்ளும் திராவிடர் கழகத் தலைவர், தமிழர் தலைவர் ஆசிரியர்  அவர்களை நேற்று (1.4.2022) சென்னை பெரியார் திடலில் யூனியன் வங்கி பிற்படுத்தப்பட்டோர் நல சங்கத்தின் நிர்வாகிகள் கோ.கருணாநிதி (தலைவர்), எஸ்.நடராசன் (பொதுச்செயலாளர்), பி.லோகேஷ் பிரபு (அகில இந்திய நல சங்கத்தின் பொருளாளர்), எஸ்.சத்தியமூர்த்தி (இணை செயலாளர்), ஆலோசகர்கள் எஸ்.சேகரன், ஞா.மலர்க்கொடி, டி.ரவிக்குமார், கே.சந்திரன் ஆகியோர் சந்தித்து,  பூங்கொத்து அளித்து, பயணம் வெற்றி பெற வாழ்த்து தெரிவித்தனர். நல சங்கத்தின் சார்பில் ரூ.10,000 நன்கொடை அளித்தனர். திராவிடர் கழகத் துணைத் தலைவர் கவிஞர் கலி.பூங்குன்றன் உடனிருந்தார். 

தொழிற்சங்கங்களின் 2 நாள் பொது வேலைநிறுத்தம் போக்குவரத்து, வங்கி சேவை பாதிப்பு: தொழிலாளர்கள் மறியல், ஆர்ப்பாட்டம்

 

 March 29, 2022 • Viduthalai

சென்னை, மார்ச் 29- மத்திய தொழிற்சங்க கூட்ட மைப்பினர் அறிவித்த 2 நாள் பொது வேலை நிறுத்தம் நாடு முழுவதும் நேற்று தொடங்கியது. முதல்நாளில் தமிழ்நாட்டில் 68 சதவீத பேருந்துகள் இயங்கவில்லை. வங்கிச் சேவைகளும் பாதிக்கப் பட்டன.

தொழிலாளர் சட்டத் தொகுப்புகளை கைவிட வேண்டும், மின்சார திருத்தச் சட்டத்தை திரும்ப பெற வேண்டும், பொதுத்துறை நிறுவனங்களை தனியார் மயமாக்கக் கூடாது, விலைவாசி உயர்வை கட்டுப்படுத்த வேண்டும், பழைய ஓய்வூதிய திட் டத்தை அமல்படுத்த வேண்டும் என்பன உள்ளிட்ட 14 அம்ச கோரிக்கை களை வலியுறுத்தி நாடு முழுவதும் மத்திய தொழிற்சங்க கூட்டமைப்பினர் 2 நாள் பொது வேலைநிறுத்த போராட்டத்தை நேற்று (28.3.2022) தொடங்கினர்.

ஒன்றிய, மாநில அரசு ஊழியர் சங்கங்கள், சிஅய்டியு, அய்என்டியுசி, எம்எம் எஸ், ஏஅய்டியுசி உள்ளிட்ட பல்வேறு தொழிற்சங்கங்கள் போராட் டத்தில் கலந்து கொண்டுள்ளன. இதனால், பல்வேறு மாநிலங்களில் மக்களின் இயல்பு வாழ்க்கை பாதிக்கப்பட்டது.

தமிழ்நாட்டில் ஆளும் திமுக உள்ளிட்ட பல் வேறு கட்சிகள் போராட் டத்துக்கு ஆதரவு தெரி வித்திருந்தன. பெரும்பாலான தொழிற்சங்கங்கள், அமைப்பு சார்ந்த மற்றும் அமைப்பு சாரா தொழி லாளர்கள் போராட்டத்தில் ஈடுபட் டனர். போக்கு வரத்து, மின்சாரம் உள்ளிட்ட பல்வேறு துறை தொழிலாளர் களும் போராட்டத்தில் பங்கேற்றதால் பாதிப்பு அதிகமாக இருந்தது.

‘ஊழியர்கள் வேலைக்கு வராவிட்டால் ஊதியம் கிடையாது’ என ஒன்றிய, மாநில அரசுகள் எச்சரித்தபோதும்கூட நேற்று பொது வேலை நிறுத்தம் தீவிரமாக நடந்தது. தமிழ்நாட்டில் 8 அரசு போக்கு வரத்து கழகங்களில் 1.35 லட்சம் தொழி லாளர்கள் பணியாற்றி வருகி றார்கள். அவர்களில் பெரும்பாலான ஓட்டுநர், நடத்துநர்கள் நேற்று பணிக்கு வரவில்லை. இதனால் தமிழ்நாடு முழு வதும் சுமார் 68 சதவீத பேருந்துகள் இயங்கவில்லை. அண்ணா தொழிற்சங்கத் தினர் வேலைநிறுத்தத்தில் பங்கேற்க வில்லை என்று அறிவித்து இருந்தனர். ஆனால், நேற்று காலை அந்த சங்கத்தைச் சேர்ந்த ஓட்டுநர்கள், நடத்துநர்களும் வேலை நிறுத்தத்தில் கலந்துகொண்டனர். இதனால் தமிழ்நாட்டில் பேருந்து போக்குவரத்து கடுமையாக பாதிக்கப் பட்டது. அரசுப் பேருந்துகள் இயங்காததால் மக்கள் கடும் அவதிக்குள்ளாகினர்.

பேருந்துகள் ஓடவில்லை

சென்னையில் 80 சதவீத மாநகர பேருந் துகள் ஓடவில்லை. இதனால், பேருந்து நிறுத்தங்களில் மக்கள் நீண்ட நேரம் காத்து நின்றனர். வேலைக்கு செல்பவர்கள், பள்ளி, கல்லூரி மாணவர்கள் பாதிக்கப்பட்டனர். ஆட்டோ, டாக்சிகளில் 3 மடங்கு கட்டணம் அதிகமாக வசூலித் தனர். பலர் சரக்கு வாகனங்களில் ஏறிச் சென்றனர். சிலர் நடந்தே சென்றனர்.

வேலைநிறுத்த போராட்டத்தில் வங்கி ஊழி யர்களும் பங்கேற்றுள்ளதால் வாடிக்கையாளர் சேவை பாதிக்கப்பட்டது. வங்கி  ஊழியர் சங்கங்கள் சார்பில் சென்னை வள்ளுவர் கோட்டம் மற்றும் தியாகராய நகரில் ஆர்ப்பாட்டம் நடந்தது.

வங்கி இணையதள சேவைகள் பாதிப்பின்றி வழக்கம்போல செயல்பட்டன. ஏடிஎம் மய்யங் களில் போதிய அளவு பணம் இருப்பு வைக்கப் பட்டதால் பணத் தட்டுப்பாடு ஏற்படவில்லை.

வேலைநிறுத்தம் காரணமாக, நாள் ஒன்றுக்கு ரூ.1.60 லட்சம் கோடி மதிப்பிலான ஒரு கோடி காசோலைகள் என்ற அளவில் 2 நாளுக்கு ரூ.3.20 லட்சம் கோடி மதிப்பிலான 2 கோடி காசோலை பரிவர்த்தனைகள் நாடு முழுதும் பாதிக்கும் என வங்கி அதிகாரிகள் தெரிவித்தனர். இந்த போ ராட்டத்தில், பாரத ஸ்டேட் வங்கி மற்றும் இந்தியன் ஓவர்சீஸ் வங்கி ஊழியர்கள் அதிகாரிகள் பங்கேற்க வில்லை.

போராட்டத்துக்கு ஆதரவு தெரிவித்து ஒன்றிய அரசு அரசிதழ் பதிவு பெற்ற அதிகாரிகள் சங்கம் சார்பில் சென்னை நுங்கம்பாக்கத்தில் உள்ள மண்டல வானிலை மய்ய அலுவலக வளாகத்தில் நேற்று ஆர்ப்பாட்டம் நடத்தப்பட்டது. சங்கத்தின் தமிழ்நாடு பிரிவு பொதுச் செயலாளர் எஸ்.சுந்தர மூர்த்தி தலைமையில் ஏராளமானோர் இதில் பங்கேற்றனர். இதேபோல, எல்அய்சி அலுவலகம் முன்பாக அகில இந்திய காப்பீட்டு ஊழியர் சங்கம் சார்பில் ஆர்ப்பாட்டம் நடத்தப்பட்டது. சங்கத்தின் சென்னை பகுதி-1 தலைவர் ஜெயராமன், பொதுச் செயலாளர் எஸ்.ரமேஷ்குமார், சங்கத்தின் தென் மண்டல பொதுச் செயலாளர் செந்தில்குமார், முகவர் சங்கத்தின் தலைவர் ராஜேந்திரன் உள்ளிட் டோர் பங்கேற்றனர்.

சென்னையில் 21 இடங்களில் மறியல்

அண்ணா சாலை, எழும்பூர், சென்ட்ரல் உட்பட சென்னையில் 21 இடங்களில் தொழிலாளர்கள் மறியல் போராட்டம் நடத்தினர். மறியலில் ஈடுபட்ட வர்களை காவல்துறையினர் உடனே கலைந்து போக செய்ததால் பெரிய அளவில் வாகன நெரிசல் ஏற்படவில்லை. இதேபோல தமிழ்நாடு முழுவதும் சுமார் 165 இடங்களில் மறியல் போராட்டத்தில் தொழிலாளர்கள் ஈடுபட்டனர். இரண்டாவது நாளாக இன்றும் வேலைநிறுத்தப் போராட்டம் தொடர்கிறது. தமிழ் நாட்டில் ரயில், சாலை மறியல் போராட்டங்களில் ஈடுபட்டவர்களை காவல் துறையினர் கைது செய்து, பின்னர் விடுவித்தனர். மாநிலம் முழுவதும் மொத்தம் 37 ஆயிரம் பேர் கைது செய்யப் பட்டு விடுவிக்கப்பட்டுள்ளனர். குறிப்பாக 323 இடங்களில் சாலை மறியல் போராட்டமும், 155 இடங் களில் ஆர்ப் பாட்டமும் 3 இடங்களில் ரயில் மறியல் போராட்டமும் 5 இடங்களில் அலுவலக முற்றுகை போராட்டமும் நடந்ததாக காவல்துறை இயக்குநர் அலுவலக அதிகாரிகள் தெரிவித்துள்ளனர்.

திமுக தொழிற்சங்கமான தொமுச பொருளாளர் நடராஜன் கூறும்போது, ‘‘பேருந்துகள் இயக்கப் படாததால் பொது மக்கள் அதிகமாக பாதிக்கப் பட்டனர். போராட்டத்தின் வடிவை மாற்ற வேண் டும் என பொதுமக்கள் கோரிக்கை வைத்ததின் அடிப்படையில், இன்று (29ஆம் தேதி) 60 சதவீத பேருந்துகளை இயக்க முடிவு செய்துள்ளோம்’’ என்றார்.