நாடாளுமன்றத்தில் போனஸ் மசோதா நிறைவேறியது

புதுடில்லி, டிச.23- 20 அல்லது அதற்கு மேற்பட்டோர் பணியாற்றும் தொழிற்சாலைகளில் ஆண்டுதோறும் பணியாளர்களுக்கு போனஸ் வழங்க போனஸ் சட்டம்-1965 வகை செய்கிறது. மாத சம்பளத்தில் ரூ.3,500-அய் உச்சவரம்பாக கொண்டு போனஸ் கணக்கிடப்படுகிறது. போனஸ் பெறுவதற்கான தகுதி உச்சவரம்பு, ரூ.10 ஆயிரம் மாத சம்பளமாக உள்ளது.

இந்நிலையில், இதில் திருத்தம் செய்வதற்கான மசோதாவை நாடாளுமன்றத்தில் மத்திய தொழிலாளர் நலத்துறை அமைச்சர் பண்டாரு தத்தாத்ரேயா நேற்று தாக்கல் செய்தார்.

அந்த திருத்தத்தில், போனஸ் தொகை கணக்கிடுவதற்கான உச்சவரம்பை ரூ.3,500-ல் இருந்து ரூ.7 ஆயிரமாகவும், போனஸ் பெறுவதற்கான தகுதி உச்சவரம்பை ரூ.21 ஆயிரமாகவும் உயர்த்த வகை செய்யப்பட்டுள்ளது. இதன்மூலம், போனஸ் தொகை இரு மடங்காக உயரும் என்று பண்டாரு தத்தாத்ரேயா கூறினார்.

இந்த மசோதா, குரல் ஓட்டெடுப்பு மூலம் நிறைவேற்றப்பட்டது. இந்த திருத்தம், 2014-ஆம் ஆண்டு ஏப்ரல் 1-ஆம் தேதியில் இருந்து முன்தேதியிட்டு அமல்படுத்தப்படுகிறது.

எனவே, அப்போதிருந்து போனஸ் பலன்கள் கிடைக்கும் என்று பண்டாரு தத்தாத்ரேயா கூறினார். அப்போது சபையை நடத்திய துணை சபாநாயகர் தம்பிதுரை, இந்த திருத்தம் கொண்டு வந்ததற்காக, மத்திய அரசை பாராட்ட வேண்டும் என்று கூறினார்.

-விடுதலை,23.12.15

அலுவலகப் பணியின்போது ஊழியர் கொலையுண்டால் இழப்பீடு கோரலாம் தானே நீதிமன்றம் உத்தரவு

தானே, டிச.10_ அலு வலகப் பணியின்போது ஊழியர் கொலையுண் டால், பணியாளர் இழப்பீடு சட்டத்தின்கீழ், இறந்த ஊழியரின் குடும்பத்தினர், அவர் பணிபுரிந்த நிறுவனத் திடம் உரிய இழப்பீடு கோரலாம் என்று தானே நீதிமன்றம் அதிரடி உத் தரவு பிறப்பித்துள்ளது. மகாராஷ்டிர மாநிலம், தாணே மாவட்டத்தைச் சேர்ந்த பிரமிளாதேவி ராம் அவதார் சிங் என்பவர், தாணே நீதிமன்றத்தில் தாக்கல் செய்த மனுவில் தெரிவித்துள்ளதாவது: "எனது கணவர் ராம் அவதார் ஜெகதீஷ் சிங் (26), தானே பகுதியைச் சேர்ந்த டிசில்வா என்ற ஒரு தனியார் நிறுவன முதலாளி யிடம் கார் ஓட்டுநராகப் பணிபுரிந்து வந்தார். கடந்த 2011-ஆம் ஆண்டு ஜூன் மாதம் 28-ஆம் தேதி, நாசிக்- புணே சாலையில் பணி நிமித்தமாக காரில் சென்றுக் கொண்டிருந்த போது, நபர்கள் அவரை கொலை செய்துவிட்டு காரை திருடிச் சென்று விட்டனர். எனது கணவர் பணியின்போது இறந்ததற்கு இழப் பீடாக, அவரது முதலாளி ரூ.8.61 லட்சம் எங்களுக்கு இழப்பீடு அளிக்க உத்தரவிட வேண்டும்' என்று அதில் தெரிவிக்கப்பட்டுள்ளது. இதற்கு எதிர்மனுதார ரான டிசில்வா தாக்கல் செய்த பதில் மனுவில், "திருடப்பட்ட காருக்கு காப்பீடு உள்ளதால், இறந்த பணியாளரின் குடும்பத் துக்கு இழப்பீடு வழங்கும் பொறுப்பு தன்னுடைய தல்ல' எனத் தெரிவித்தார். மற்றொரு எதிர்மனுதார ரான ரிலையன்ஸ் பொது காப்பீட்டு நிறுவனம் சார் பில் தாக்கல் செய்யப்பட்ட பதில் மனுவில், "மனுதார ரின் கணவர் பணியின் போது இறந்துள்ளதால், அவரது குடும்பத்தினருக்கு தங்கள் நிறுவனம் இழப்பீடு அளிக்க முடியாது' எனத் தெரிவிக்கப்பட்டுள்ளது. வழக்கை விசாரித்த நீதிபதி பி.ஒய்.பகத் பிறப் பித்த உத்தரவில், "பணியின் போது இறந்த ராம் அவதார் ஜெகதீஷ் சிங்கின் குடும்பத்தினருக்கு நஷ்டஈடு வழங்கும் பொறுப்பு, அவரது முதலாளியான டிசில்வா மற்றும் ரிலை யன்ஸ் காப்பீட்டு நிறுவனத் துக்கு உள்ளது. எனவே, மனுதாரர் கோரியுள்ள இழப்பீட்டு தொகை ரூ.8.61 லட்சத்தை 12 சதவீத வட்டி யுடன், எதிர்மனுதாரர்கள் இரு வரும் இணைந்து தர வேண்டும்' என்று தெரிவிக் கப்பட்டுள்ளது.

-விடுதலை,10.12.15

வெள்ள பாதிப்பு பி.எஃப். சந்தாதாரர்களுக்கு முன் தொகை

சென்னை, டிச.9_ வெள்ள பாதிப்பு பகுதி களைச் சேர்ந்த தகுதியு டைய பி.எஃப். சந்தாதாரர் களுக்கு திரும்பச் செலுத்தத் தேவையில்லாத வகையில், முன்தொகை ரூ.5,000 வழங்கப்படும் என்று சென் னை மண்டல வருங்கால வைப்பு நிதி ஆணையர் எஸ்.டி.பிரசாத் அறிவித்துள் ளார்.

இது தொடர்பாக அவர் செவ்வாய்க்கிழமை வெ ளியிட்ட செய்திக்குறிப்பில் கூறியிருப்பதாவது:

""சென்னை, புறநகர்ப் பகுதிகளில் அண்மையில் ஏற்பட்ட வெள்ளத்தால் பாதிக்கப்பட்டுள்ளோர், அதை எதிர்கொண்டு மீளு வதற்கு ஏதுவாக வெள்ளத் தால் பாதிக்கப்பட்ட பகுதி களைச் சேர்ந்த வருங்கால வைப்புநிதி (பி.எஃப்.) சந்தாதாரர்களுக்கு திரும்பச் செலுத்தத் தேவையில்லாத வகையில் ரூ.5,000 அல்லது வருங்கால வைப்பு நிதியில் அவர்களது பங்களிப்பில் 50 சதவீதம் எது குறைவோ அது முன் தொகையாக அளிக்கப்படும்.

அரசு அறிவிக்கையின் அடிப்படையில்...: பாதிப்பு ஏற்பட்ட இடங்கள் குறித்து தமிழக அரசு வெளியிடும் அறிவிக்கையின் அடிப் படையில், வெள்ளத்தில் சேதமடைந்த சொத்து (அசையும் சொத்து, அசையா சொத்து) குறித்து உரிய தமிழக அரசு அதிகாரியிடம் சான்றிதழ் பெற வேண்டும்.

பின்னர் பி.எஃப். அலு வலகப் படிவம் 31-அய் பூர்த்தி செய்து பி.எஃப். அலுவலகத்தில் அளிக்க வேண்டும்.

சந்தாதாரர்களின் இத்த கைய படிவத்தை ஆய்வு செய்து தமிழக அரசின் அறிவிக்கை வெளியான தேதியிலிருந்து 4 மாதங் களுக்குள் திரும்பச் செலுத் தத் தேவையில்லாத முன் தொகை அளிக்கப்படும் என்று எஸ்.டி.பிரசாத் தெரிவித்துள்ளார்.

முகப்பேர் பி.எஃப். அலு வலகத்துக்குட்பட்டோர்...: சென்னை முகப்பேரில் உள்ள பி.எஃப். அலுவ லகத்துக்குள்பட்ட அம்பத் தூர் உள்ளிட்ட பகுதி களைச் சேர்ந்த சந்தாதா ரர்கள், தமிழக அரசின் அறிவிக்கை வெளியான வுடன் படிவம் 31அய் பூர்த்தி செய்து அலுவல கத்தில் அளிக்க வேண்டும் என்று அதிகாரிகள் தெரி வித்தனர்.

-விடுதலை,9.12.15